პრეზიდენტი უმრავლესობასთან შეხვედრისთვის მზადაა

2017-09-29 17:49:20, 2388 ნახვა

პოლიტიკა

საქართველოს პრეზიდენტის გიორგი მარგველაშვილის განცხადებით, უშიშროების საბჭოს დღევანდელ სხდომაზე, კონსტიტუციასთან დაკავშირებით საუბარი არ ყოფილა.

მისივე შეფასებით, უშიშროების საბჭოს ფარგლებში შეხვედრა საკმაოდ კონსტრუქციული იყო. ამასთან, გიორგი მარგველაშვილი მმართველ გუნდთან კონსტიტუციის საკითხზე შეხვედრის მზადყოფნას კვლავ გამოთქვამს:

"კონსტიტუციური საკითხები ამ უშიშროების საბჭოს სხდომაზე არ განხილულა. მზადყოფნა შეხვედრისთვის ჩვენი მხრიდან დაფიქსირებულია. სავსებით კონსტრუქციული იყო დღევანდელი შეხვედრა",- განაცხადა პრეზიდენტმა.

შეგახსენებთ, კონსტიტუციურ პროექტთან დაკავშირებით, რომელიც პარლამენტმა 117 ხმით 26 სექტემბერს დაამტკიცა, გიორგი მარგველაშვილმა "ქართულ ოცნებას" შეხვედრა შესთავაზა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები