„ამერიკის შეეთებულ შტატებთან თავისუფალი ვაჭრობის შესახებ შეთანხმებაზე მოლაპარაკებები დაიწყება და შესაბამისად, კონგრესის მხარდაჭერის იმედი გვაქვს“, - ამის შესახებ პარლამენტის თავმჯდომარის პირველმა მოადგილემ, თამარ ჩუგოშვილმა აშშ-ში საპარლამენტო დელეგაციის ვიზიტის შეჯამებისას განაცხადა. 

მისივე ინფორმაციით, შეხვდრებზე ორ ძირითად საკითხს განიხილავდნენ - ოკუპირებულ ტერიტორიებს და თავისუფალ ვაჭრობას. 

პარლამენტის თავმჯდომარის პირველი მოადგილის განცხადებით, საქართველოს ტერიტორიულ მთლიანობის საკითხი კონგრესმენებთან შეხვედრების დღის წესრიგის მუდმივი საკითხი იყო. 

„ტერიტორიულ მთლიანობა არის ის საკითხი, რომელზეც  მუდმივად ვსაუბრობთ იმისთვის, რომ ამერიკის დღის წესრიგში რაც შეიძლება აქტიურად იყოს და მაქსიმალური მხარდაჭერა მივიღოთ მათი მხრიდან“,-აღნიშნა თამარ ჩუგოშვილმა. 

პარლამენტის თავმჯდომარის პირველი მოადგილის განცხადებით, აშშ-ში სენატში მოხდება საქართველოს ტერიტორიული მთლიანობის მხარდამჭერი რეზოლუციის გატანა და იმედი გამოთქვა, რომ ეს პროცესი კიდევ უფრო გააქტიურდება. 

ჩუგოშვილის თქმით, საქართველოს  სრულ მხარდაჭერა აქვს და ვაშინგტონში საქართველოს მხარდამჭერთა და მეგობართა რიცხვი მხოლოდ იზრდება. 

„ყველაზე მნიშვნელონი მხარდამჭერი განცხადებები და რეზოლუციები სწორედ ბოლო წლების და ბოლო პერიოდის განმავლობაში იქნა მიღებული. რაც შეეხება კონკრეტულ თანამშრომლობას, ეს გამოხატულია როგორც თავდაცვის სფეროში თანამშრომლობის კუთხით, იცით რომ ჩვენ ვატარებთ ერთობლივ ძალიან მასშტაბურ წვრთნებს,  ასევე უსაფრთხოების საკითხებში  თანამშრომლობის კუთხით. ახლა ჩვენი მიზანია, რომ ეკონომიკურ სფეროში თანამშრომლობა გაძლიერდეს, დაიძრას თავისუფალი ვაჭრობის შესახებ შეთანხმების საკითხი, გაიზარდოს პირდაპირი ამერიკული ინვესტიციები საქართველოში და  ეს რა თქმა უნდა ირიბად დაკაშირებულია, მათ შორის, ტერიტორიულ მთლიანობასთანაც“,-აღნიშნა თამარ ჩუგოშვილმა. 

საქართველოს საპარლამენტო დელეგაცია, პარლამენტის თავმჯდომარის პირველი მოადგილის, თამარ ჩუგოშვილის ხელმძღვანელობით, ამერიკის შეერთებულ შტატებში ვიზიტით 10-16 სექტემებრს იმყოფებოდა.  დელეგაციის შემადგენლობაში პარლამენტის თავმჯდომარის მოადგილე სერგი კაპანაძე, საგარეო ურთიერთობათა კომიტეტის თავმჯდომარე სოფიო ქაცარავა და კომიტეტის წევრი, ირაკლი მეზურნიშვილი შედიოდნენ.

ავტორი: ,

სოციალური ქსელები

უილსონი - დიქტატორ ხამენეის დაკრძალვაზე ამერიკის ყველაზე უარესი მოძულეები იკრიბებიან, ოცნების ყალბი პრეზიდენტი ყაველაშვილი ცერემონიალზე დასწრებას გეგმავს

კიევზე რუსული ავიაციის მიერ განხორციელებული იერიშის შედეგად დაღუპულთა რიცხვი 30-მდე გაიზარდა, დაიჭრა 90

თინა ბოკუჩავა – მქონდა ძალიან სერიოზული სინდისის ქენჯნა, რომ ხაბეიშვილის შეცვლის მიზეზად დასახელდა ჯანმრთელობის მდგომარეობა, რაც არ იყო რეალური

კახა კალაძე: „ნაციონალურ მოძრაობას“ პოლიტიკურ პარტიასაც ვერ ვუწოდებ