საქართველოს პრემიერ-მინისრტი ირაკლი  ღარიბაშვილი ყველას მოუწოდებს,   ელგუჯა ხოკრიშვილის გადადგომის გამო, აჟიოტაჟი  ხელოვნურად არ ატეხონ და საზოგადოებაში არასტაბილურობის განცდა  არ გააჩინონ.

როგორც ღარიბაშვილმა ჟურნალისტებს განუცხადა, თუკი მთავრობის მიერ ხელახალი ნდობის მოპოვება იქნება საჭირო, ამაში პრობლემა არაფერიაა.

პრემიერის განცხადებით, მთავრობა მუდმივ განახლებას საჭიროებს და მინისტრების წასვლა,  ჩვეულებრივი მუშა პროცესია.

„სულ ტყუილად ატეხეთ აჟიოტაჟი.მინდა მოგიწოდოთ ყველას,  ხელოვნურად ნუ ეცდებით, რომ არასტაბილურობის განცდა გააჩინოთ მოსახლეობაში.  თუ საჭირო იქნება მთავრობის, ასე ვთქვათ,  გადამტკიცება და ხელახალი ნდობის მოპოვება, არც ეს არის პრობლემა. ჩვენ ვართ გამჭვირვალე ერთი გუნდი და აქ არაფერია განსაკუთრებული.  ივლისის თვეში როცა 7 მინისტრი გამოვცვალე, მაშინ ხელახლა მოვიპოვეთ ნდობა. ეს არის მუშა პროცესი.  მთავრობა საჭიროებს მუდმივ განახლებას, საჭიროა განახლება, წინსვლა და მუდმივი მოძრაობა. მინდა გახაროთ,  რომ არაფერი სასკანდალო არ არის, ყველაფერი კარგადაა .  ერთი მინისტრი  წავა, მეორე დაინიშნება.  შეიძლება სხვა მინისტრი წავიდეს, ამაში პრობლემა არ არის“,-განაცხადა ღარიბაშვილმა.

კითხვაზე- იქნება თუ არა ეს სხვა მინისტრი ლევან ყიფიანი, პრემიერმა ასე უპასუხა:

„დაელოდეთ, ყველაფერს გაიგებთ“.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ფრანგმა პროკურორებმა ილონ მასკის წინააღმდეგ სისხლის სამართლის გამოძიება დაიწყეს.

ირანი გეგმავს, რომ მსოფლიოს უმსხვილესი IT კომპანიებისგან ჰორმუზის სრუტეში კაბელების გაყვანისთვის გადასახადი დააწესოს

CNN: პენტაგონი ირანზე ახალი დარტყმებისთვის სამიზნეების სიას ამზადებს

უკრაინამ ომის განმავლობაში მოსკოვის ოლქზე ყველაზე მასშტაბური თავდასხმის დროს ენერგეტიკული ობიექტები, თავდაცვის ინდუსტრიის საწარმო და შერემეტიევოს აეროპორტი დაბომბა