არავის აქვს სურვილი პრეზიდენტი ყურით ატაროს, - ამის შესახებ საპარლამენტო უმრავლესობის წევრმა თინა ხიდაშელმა პრეზიდენტის განცხადებასთან დაკავშირებით აღნიშნა, რომლის თანახმადაც, პრეზიდენტი, რომელიც ერთი ადგილიდან მეორეზე გადაყავთ თავის ვალდებულებებს ვერ განახორციელებს.

მედიის წარმომადგენელი დაინტერესდა, ხომ არ არის მცდელობა იმისა, რომ პრეზიდენტი ყურით ატარონ.

„მე არ ვიცი რას და ვის გულისხმობდა გიორგი მარგველაშვილი. დიდი იმედი მაქვს, რომ საკუთარ თავს არ გულისხმობდა და საკუთარ ასეთ შეურაცხმყოფელ ტონალობაში არ საუბრობს. არავის არ აქვს იმის სურვილი, რომ პრეზიდენტი ყურით ატაროს. ყველას სურს პრეზიდენტმაც, მთავრობამაც და პარლამენტმაც და ყველამ ამ ქვეყანაში შეთანხმებულად, ერთად იმოქმედოს იმისათვის, რომ რიგის სამიტი წარმატებული იყოს. თუმცა რიგაში არც არაფერი იწყება და არც არაფერი მთავრდება. ჩვენი მთავარი მიზანი, რომ ევროპული ინტეგრაცია იყოს წარმატებული, ამას სჭირდება ის, რომ ყველა უნდა იყოს თავის ადგილზე, საკუთარ უფლებამოსილებას ასრულებდეს და არ ქონდეს განცდა, რომ არის ერთადერთი, რომელმაც იცის რა არის ჭეშმარიტება და მხოლოდ მას უდნა ეკითხებოდეს ყველა ჭკუას. მე არ მესმის პრეზიდენტის ეს განცხადება. იმედი მაქვს, რომელიმე სხვა ქვეყნის პრეზიდენზე საუბრობდა“, - განაცხადა ხიდაშელმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ფრანგმა პროკურორებმა ილონ მასკის წინააღმდეგ სისხლის სამართლის გამოძიება დაიწყეს.

ირანი გეგმავს, რომ მსოფლიოს უმსხვილესი IT კომპანიებისგან ჰორმუზის სრუტეში კაბელების გაყვანისთვის გადასახადი დააწესოს

CNN: პენტაგონი ირანზე ახალი დარტყმებისთვის სამიზნეების სიას ამზადებს

უკრაინამ ომის განმავლობაში მოსკოვის ოლქზე ყველაზე მასშტაბური თავდასხმის დროს ენერგეტიკული ობიექტები, თავდაცვის ინდუსტრიის საწარმო და შერემეტიევოს აეროპორტი დაბომბა