ქუმსიშვილი: EBRD-ის პრეზიდენტმა მთავრობის ბოლო დროინდელი გადაწყვეტილებები დადებითად შეაფასა

2017-09-07 04:23:05, 2340 ნახვა

კომენტარი

ფინანსთა მინისტრი დიმიტრი ქუმსიშვილი ევროპის რეკონსტრუქციისა და განვითარების ბანკის პრეზიდენტის საქართველოში ვიზიტს გამოეხმაურა და სერ სუმა ჩაკრაბარტის მხარდაჭერისთვის მადლობა გადაუხადა.

მინისტრის თქმით, EBRD-ის პრეზიდენტმა მთავრობის ბოლო დროინდელი გადაწყვეტილებები დადებითად შეაფასა.

„მინდა გამოვეხმაურო ევროპის რეკონსტრუქციისა და განვითარების ბანკის პრეზიდენტის ვიზიტს საქართველოში, რომელიც გუშინ დასრულდა. მინდა მადლობა გადავუხადო ბანკს იმ თანამშრომლობისთვის, რომელსაც 25 წლის განმავლობაში ვიღებთ მათგან. როგორც უკვე იყო ნათქვამი 200-ზე მეტი პროექტი არის დაფინანსებული ბანკის მხრიდან. ეს არის 3 მილიარდ დოლარზე მეტის ინვესტიცია, რაც ძალიან მნიშვნელოვანია. გუშინ ბანკის პრეზიდენტმა გააკეთა ასევე შეფასება, როგორც ეკონომიკური გუნდის ასევე იმ ეკონომიკური პოლიტიკის და მთავრობის გადაწყვეტილებების, რომელიც ბოლო პერიოდში იქნა მიღებული და იმ პროგრესის, რაც ჩვენ ბოლო პერიოდში გვაქვს, რისთვისაც მადლობას ვუხდი“, - განაცხადა ქუმსიშვილმა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები