სოფლის მეურნეობის სამინისტროს მონაცემებით ქართველ მეწარმეებში პრიორიტეტები შეიცვალა და მათთვის უფრო ღირებული შემოსავლების ოპტიმიზაცია გახდა.

სწორედ აქედან გამომდინარე მიმდინარე წლები სოფლის მეურნეობისათვის გარდამავალ პერიოდს წარმოადგენს. შეიცვალა ძირითადი ტენდენცია; კერძოდ, თუ ადრე სოფლის მეურნეობაში დასაქმებულები ტრადიციული კულტურების თესვაზე აკეთებდნენ არჩევანს, იმის მიუხედავად შეესაბამებოდა თუ არა მიწის თვისებები დათესილ კულტურას, ბოლო წლებში მათი მიდგომა შეიცვალა და  ფერმერებმა შემოსავლების ოპტიმიზაციის მიზნით კულტურების ჩანაცვლება დაიწყეს. 
საქართველოში, ისევე როგორც მსოფლიოში, მრავალწლოვანი კულტურების წარმოება უფრო მომგებიანი პოზიცია ხდება ფერმერებისათვის, ამისთვის ჩვენს ქვეყანაში კლიმატური პირობებიც ხელსაყრელია. ამიტომ მთავრობის გადაწყვეტილებით, ფინანსური ხელშეწყობა უფრო გრძელვადიან და მდგრადი განვითარებისკენ წარიმართა, რასაც მრავალწლიანი ბაღების გაშენება წარმოადგენს. ამის მაგალითია პროგრამა „დანერგე მომავალი“, რომლის ფარგლებში 4 ათას ჰექტრამდე ინტენსიური ტიპის ბაღები გაშენდა.

ასევე ქვეყანაში გაიზარდა დაინტერესება სასათბურე ტექნოლოგიების მიმართულებით, ბოლო 4 წლის მანძილზე თითქმის გაორმაგდა სათბურების რაოდენობა.

აღსანიშნავია, რომ 2013-2016 წლებში მიმდინარეობდა მცირემიწიანი ფერმერების ხელშეწყობის პროგრამა, რაც პირდაპირ იყო მიმართული მიწის დამუშავებისაკენ და ბუნებრივია ნათესი ფართობების შედარებით მაღალ მაჩვენებელს იწვევდა. პროგრამით გათვალისწინებული სუბსიდირების სისტემა ყოველწლიურად კლებად ფინანსურ დახმარებას ითვალისწინებდა, ხოლო 2017 წელს აღნიშნული პროგრამა აღარ განხორციელებულა და შესაბამისად მიმდინარე წელსაც ფართობების შემცირების ერთ-ერთი გამომწვევი მიზეზი ეს ფაქტორიც არის.

ასევე მაღალი პროდუქტიულობის უზრუნველსაყოფად საჭიროა შესაბამისი სათესლე მასალა, მაღალი ხარისხის სასუქი და პესტიციდები, რაც უფრო ძვირია ფერმერისათვის. მაგრამ მაღალი მოსავლიანობა უფრო მომგებიანია, ვიდრე უფრო მეტ ფართობზე მოყვანილი დაბალი მოსავლიანობა. 

პროდუქტიულობის ზრდის მაგალითებიც გვაქვს სახეზე. მაგალითად ხორბლის შემთხვევაში, რომელიც მუდმივად 2 ტონაზე ნაკლები იყო, 2015 და 2016 წლებისათვის კი 2.6 ტონას შეადგენდა, ასევე მაღალი მაჩვენებელია მოსალოდნელი მიმდინარე წლისათვის და სოფლის მეურნეობის სამინისტროს კვლევის მონაცემებით წელს მოსავალი 3 ტონამდე მიაღწევს.

სოფლის მეურნეობის სფეროში ამ დადებითი ტენდენციებისა და გარდამავალი პერიოდის გათვალისწინებით, სამინისტროს ოფიციალური მონაცემებით 2017 წელს საქართველოში ერთწლიანი კულტურების ნათესების ფართობი მხოლოდ 10% -ით არის შემცირებული. თუმცა გარდამავალი პერიოდის შემდეგ მოსალოდნელია გარკვეულ დონეზე საქმიანობის ოპტიმიზაცია და დამუშავებული მიწის ფართობის ზრდა.

(NS)

ავტორი: ,

სოციალური ქსელები

რუსეთი სომხეთიდან ხილისა და ბოსტნეულის იმპორტს ზღუდავს

ირანის ელჩმა ყაველაშვილს თბილისის მეჩეთის მონახულების გამო მადლობა გადაუხადა

კალაძე გორში მომხდარ ძალადობაზე: ფაქტი არის ძალიან მძიმე - მნიშვნელოვანია, რომ შესაბამისმა სამსახურებმა რეაგირება მოახდინეს

კალაძე: ოპოზიციაში მიდის ბრძოლა - ვის ერქმევა მთავარი ოპოზიციური პარტია