სრულიად საქართველოს კათოლიკოს-პატრიარქმა, ილია მეორემ მრევლს მარიამობის დღესასწაული მიულოცა. 

ამასთან, პატრიარქმა სიონის ღვთისმშობლის მიძინების საკათედრო ტაძარში შეკრები მთავრობის წევრებსაც მიმართა და საღმრთო ლიტურგიაზე დასწრებისთვის მადლობა გადაუხადა. 

"ყველას გილოცავთ დღესასწაულს ყოვლადწმინდა ღვთისმშობლის მიძინების დღეს. მისი ლოცვით, მისი ვედრებით, ღმერთმა დალოცოს, გაახაროს, გააძლიეროს, დაიცვას და დაიფაროს სრულიად საქართველო. ყოვლადწმინდა ღვთისმშობელი შეგეწიოთ თქვენ და სულიერად საქართველოს იყოს მფარველი ჩვენი ხალხისა, ჩვენი ბავშვებისა, ჩვენი მომავალი თაობისა. ყოვლადწმინდა ღვთისმშობელმა დედამ დაიცვას და დაიფაროს ყოველი გაჭირვებული ადამიანი. გილოცავთ ამ დიდებულ დღესასწაულს. ჩვენ მოხარული ვართ, რომ დღეს ჩვენთან ერთად ლოცულობდა მთავრობის თავმჯდომარე, ბატონი პრემიერ-მინისტრი და მთელი მთავრობა, თქვენი ლოცვა შეისმინოს უფალმა, დაგიცვათ და დაგიფაროთ ხილული და უხილავი მტრებისაგან. დალოცვილი იყავით გაიხარეთ. ჩვენთან ერთს ღმერთი", - აღნიშნა პატრიარქმა. 

ცნობისთვის, უწმინდესმა და უნეტარესმა სიონის ღვთისმშობლის მიძინების საკათედრო ტაძარში საღმრთო ლიტურგია აღასრულა. 

ავტორი: ,

სოციალური ქსელები

რუსეთი სომხეთიდან ხილისა და ბოსტნეულის იმპორტს ზღუდავს

ირანის ელჩმა ყაველაშვილს თბილისის მეჩეთის მონახულების გამო მადლობა გადაუხადა

კალაძე გორში მომხდარ ძალადობაზე: ფაქტი არის ძალიან მძიმე - მნიშვნელოვანია, რომ შესაბამისმა სამსახურებმა რეაგირება მოახდინეს

კალაძე: ოპოზიციაში მიდის ბრძოლა - ვის ერქმევა მთავარი ოპოზიციური პარტია