შს მინისტრი ფიქრობს, რომ უახლოეს დღეებში ხანძარი ლიკვიდირებული იქნება

2017-08-25 08:34:29, 2454 ნახვა

კომენტარი

შინაგან საქმეთა მინისტრის გიორგი მღებრიშვილის განცხადებით, ყველა ძირითადი კერა ლოკალიზებულია.

ამასთან, მინისტრის განმარტებით, ყველა სამსახური უწყვეტ რეჟიმში აგრძელებს მუშაობას.

"დღეს უკვე საკმაოდ პოზიტიური ტენდენციები შეინიშნება. ყველა ძირითადი კერა ლოკალიზებულია. მიუხედავად ამისა, ყველა სამსახური, რომელიც აქ მობილიზებულია, განვაგრძობთ მუშაობას. ვფიქრობ, რომ უახლოეს დღეებში უკვე ეს პრობლემა საბოლოოდ გადაწყვეტილი იქნება", - აღნიშნა მღებრიშვილმა.

რაც შეეხება გამოძიებას, შს მინისტრმა განაცხადა, რომ გამოძიება ინტენსიურად მიმდინარეობს. აღნიშნულ საკითხთან დაკავშირებით ვრცელი კომენტარისგან გიორგი მღებრიშვილმა თავი შეიკავა.

"ისევე როგორც ხანძრის ქრობის პროცესი, გამოძიებაც ინტენსიურად მიმდინარეობს", - დასძინა მინისტრმა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები