ანა დოლიძე: თამარ მეარაყიშვილის დაკავება ეს არის საოკუპაციო რეჟიმის რეალური სახის გამოვლინება

2017-08-17 15:09:14, 2280 ნახვა

კომენტარი

საქართველოს პრეზიდენტის საპარლამენტო მდივანი ოკუპირებულ ახალგორში სამოქალაქო აქტივისტის, თამარ მეარაყიშვილის წინააღმდეგ საქმის აღძვრას აფასებს.

როგორც დოლიძემ აღნიშნა, მეარაყიშვილი გამორჩეული მოქალაქეა და ეს ქმედება სულ მცირე, არის თავისუფლების უკანონო აღკვეთა.

"აღსანიშნავია, რომ ჩვენ ვიცით მისი სამოქალაქო აქტივიზმის შესახებ, ის არის გამორჩეული მოქალაქე და ეს ქმედება სულ მცირე, არის თავისუფლების უკანონო აღკვეთა, აქტივისტზე ზეწოლა და რაც მთავარია, ეს არის საოკუპაციო რეჟიმის რეალური სახის ერთ-ერთი გამოვლინება. იქნება ეს ეთნიკური წმენდა, ქართველების ჩაგვრა, ქართული ენის სწავლების აკრძალვა, ჩვენი აქტივისტების თუ მოქალაქეების გატაცება, - ეს ყველაფერი არის ოკუპაციური რეჟიმის სახის გამოვლინებები და ძალიან მნიშვნელოვანია, რომ ჩვენ ყველა ღონე ვიხმაროთ იმისათვის, რომ დავგმოთ ეს ფაქტი, საერთშორისო საზოგადოებამ დაგმოს აქტიურად ეს ქმედება, რაც მთვარია, ჩვენ ყველამ ვიზრუნოთ, რათა ჩვენი მოქალაქეების უფლებები იყოს შესაბამისად დაცული",- განაცხადა ანა დოლიძემ.

ცნობისთვის, გუშინ ოკუპირებულ ახალგორში სამოქალაქო აქტივისტი თამარ მეარაყიშვილი გუშინ დააკავეს. ახლა ის სახლში იმყოფება, თუმცა მეარაყიშვილი ე.წ. პროკურატურაშია დაბარებული, ის დაკითხვაზე ხვალ უნდა გამოცხადდეს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან