ამერიკის შეერთებულ შტატებში საქართველოს ელჩის დავით ბაქრაძის შეფასებით, აშშ -ის  ვიცე პრეზიდენტის  საქართველოში ვიზიტი ორი ქვეყნის ურთიერთობებში განსაკუთრებული გზავნილია.

ელჩის განცხადებით, 6 თვის განმავლობაში მესამე შეხვედრა იქნება პრემიერსა და  ვიცე პრეზიდენტს შორის, რაც ამერიკა საქართველოს მაღალ დინამიკაზე მეტყველებს.

„აშშ-ის ვიცე პრეზიდენტის ვიზიტი, რომელიც ხორციელდება ახალი ადმინისტრაციის საქმიანობის დაწყებიდან უკვე 6 თვის განმავლობაში, არის განსაკუთრებული გზავნილი ამ ორმხრივი ურთიერთობის. ის რომ საქართველოს პრემიერსა და აშშ-ის ვიცე პრეზიდენტს შორის ამ 6 თვეში მესამე შეხვედრა იქნება, კიდევ ერთხელ მეტყველებს იმ მაღალ დინამიკაზე, რომელიც ამერიკის ახალ ადმინისტრაციასთან ურთიერთობებში გვაქვს. თავისთავად ის კონტექსტი, რომლითაც პენსი მოემგზავრება, ვგულისხმობ ესტონეთსა და მონტენეგროსთან ერთად საქართველოში ვიზიტს, მიუთითებს, რომ საქართველოს, როგორც ევროატლანტიკურ სივრცეში პარტნიორს და ძალიან ერთგულ მეგობარს, აშშ აფასებს",- განაცხადა ბაქრაძემ.

ამასთან ელჩმა ოკუპირებულ ტერიტორიებზე არსებულ ვითარებაზე ისაუბრა.

როგორც ბაქრაძემ აღნიშნა, ოკუპაცია და მცოცავი ანექსია არის უმთავრესი საკითხი, რომელსაც ქართული მხარე აყენებს აშშ- ის წარმომადგენლებთან ორმხრივი ურთიერთობის დროს.

"ეს არის უმთავრესი საკითხი, რომელსაც ქართული მხარე აყენებს ორმხრივი ურთიერთობების დროს. რა საკვირველია მიმდინარე ოკუპაცია, მცოცავი ანექსია იქნება ის უმთავრესი საკითხი, რომელსაც ჩვენ ამ შეხვედრის დროს დავაყენებთ",- დასძინა დავით ბაქრაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კიდევ ხუთმა რეგიონში დაიწყო მამაკაცების დაკავება იძულებითი გაწვევისთვის

ნატოს თვითმფრინავებმა კალინინგრადის მახლობლად ოპერაცია ჩაატარეს

სუს: 2025 წლის 17 აგვისტოს სოფელ პერევის მიმდებარედ უკანონოდ დაკავებული საქართველოს მოქალაქე თავისუფალია

პუტინი: ჩვენს ინფრასტრუქტურაზე კიევის იერიშები ზიანს იწვევს, თუმცა ეს კრიტიკული ვერ იქნება