საქართველო ჩვენთვის წარმოადგენს მთელს კავკასიაში პოტენციურ, პერსპექტიულ სავაჭრო-ეკონომიკურ პატრნიორს, - ამის შესახებ ბელარუსის პრეზიდენტმა ალექსანდრ ლუკაშენკომ ქართველ კოლეგასთან შეხვედრის შემდეგ გამართულ ერთობლივ პრესკონფერენციაზე განაცხადა.

 „საქართველო ჩვენთვის წარმოადგენს მთელს კავკასიაში პოტენციურ, პერსპექტიულ სავაჭრო-ეკონომიკურ პატრნიორს. 2014 წელს ჩვენს ქვეყნებს შორის ტვირთბრუნვამ საკმაოდ დაბალი რაოდენობა - 65 მილიონი დოლარი შეადგინა. რა თქმა უნდა, ეს არ არის ის ციფრი, რომელიც ჩვენთვის დამაკმაყოფილებელი უნდა იყოს. ამიტომ, ამ მოლაპარაკებების დროს ჩვენ დიდი ყურადღება დავუთმეთ სავაჭრო და ეკონომიკური ურთიერთობების განვითარებას ჩვენს ქვეყნებს შორის. თქვენ იცით, რომ ჩატარდა ძალიან ფართომასშტაბიანი ბიზნესფორუმი. ჩვენს დელეგაციაში იყო 50 უმსხვილესი კომპანიის წარმომადგენელი ბელარუსიდან. როგორც ცოტა ხნის წინ ვიცე-პრემიერმა მაცნობა, ამ ბიზნესფორუმის საფუძველზე ტვირთბრუნვის 200 მილიონამდე გაზრდას ვხედავთ", - განაცხადა ლუკაშენკომ.

მისი თქმით, მიუხედავად იმისა, რომ საქართველომ დსთ დატოვა, ბელარუსსა და საქართველოს შორის თავისუფალი ვაჭრობის რეჟიმი ისევ არსებობს.

"ჩვენ არასოდეს გვიღალატია თქვენთვის, ურთულეს სიტუაციებშიც კი. მაქსიმალურად ეფექტურად უნდა გამოვიყენოთ ბელარუსის ურთიერთობა საბაჟო კავშირთან. გონიერი ადამიანები ყოველთვის მოძებნიან თანამშრომლობის ფორმას ურთულეს პერიოდშიც. მაქსიმალურად უნდა დავარეგულიროთ სავაჭრო და ეკონომიკური ურთიერთობები", - აღნიშნა ლუკაშენკომ.

გარდა ამისა, როგორც ბელარუსის პრეზიდენტმა აღნიშნა, თბილისში გამართულ შეხვედრებზე ერთობლივი საწარმოების შექმნაზე მოხდა შეთანხმება.

"გადაწყდა ერთობლივი საწარმოების შექმნა, რომელიც შეიძლება იყოს საქართველოს ან ბელარუსის ტერიტორიაზე და ვაწარმოოთ საჭირო პროდუქცია, შემდეგ გავყიდოთ მთელ მსოფლიოში. ეს რთული მისაღწევია, მაგრამ რეალური", - განაცხადა ალექსანდრ ლუკაშენკომ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თბილისი პრაიდი: "ოცნებამ" სცადა, ქვიარ ადამიანები საზოგადოებრივი ცხოვრებიდან გავექრეთ

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი