თბილისის მერი, დავით ნარმანია გავრცელებულ ინფორმაციას, რომ „ელიავას ბაზრობის“ მესაკუთრეებს ტერიტორიის გამოსყიდვა შესთავაზეს, არ ადასტურებს.

ტექნიკურ უნივერსიტეტში გენერალური გეგმის განხილვა მიმდინარეობს, სადაც დედაქალაქის მერი, გენერალურ გეგმაზე მომუშავე ჯგუფთან ერთად, პროფესორ-მასწავლებლებსა და სტუდენტებს ხვდება. შეხვედრას „ელიავას ბაზრობის“ მფლობელებიც ესწრებიან.

როგორც ნარმანიამ აღნიშნა, ბაზრობის მფლობელები შეხვედრას მოწვეული სტუმრით სტატუით ესწრებიან, რათა გენგეგმის ძირითად მიმართულებებს გაეცნონ.

”არანაირი შეთავაზება არ ყოფილა. დღეს ისინი მოწვეული სტუმრის სტატუსით ესწრებიან შეხვედრას, რომ გაეცნონ გენგეგმის ძირითად მიმართულებებს. ხოლო, კონკრეტულად ამ საკითხზე მსჯელობა საკრებულოში გაიმართება. არანაირი მოლაპარაკებები ჯერჯერობით არ მიმდინარეობს. ისინი იყვნენ ჩემთან, მათ წარმომიდგინეს თავიანთი განვითარების გეგმები, გენერალური გეგმის ჯგუფს აქვს განსხვავებული მოსაზრება ამ საკითხებთან დაკავშირებით. ასე, რომ მარტო მსჯელობა იქნება დედაქალაქის საკრებულოში. მათი გეგმა გულისხმობს ელიავას ტერიტორიის მოწესრიგებას და განვითარებას, ხოლო, გენერალური გეგმის პოზიცია გულისხმობს იქ რეკრეაციული სივრცის განვითარებას“, - განაცხადა თბილისის მერმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

“ქეშბექობანა” - ლიბერთის ლოიალობის პროგრამა Cashback-ის და VISA-ს განსაკუთრებული შეთავაზებები ბავშვებისთვის

ბრიტანული დაზვერვა: უკრაინაში ომში თითქმის ნახევარი მილიონი რუსი ჯარისკაცი დაიღუპა

აშშ-ის სახელმწიფო დეპარტამენტის დელეგაციასთან კოალიცია ცვლილებისთვის ლიდერებმა შეხვედრა გამართეს

1 ივნისის შეთავაზებები მოსწავლეებისთვის საქართველოს ბანკის sCoolApp-ში