შოთაძე: სააკაშვილის ექსტრადირების შემაფერხებელი გარემოება უკრაინის კონსტიტუციაა

2017-07-19 17:16:17, 2855 ნახვა

სამართალი კომენტარი

„ჩვენ ორჯერ გვაქვს ექსტრადირების მოთხოვნა უკრაინაში გაგზავნილი, რაზეც უარი არის მიღებული“,-ამის შესახებ მთავარმა პროკურორმა ირაკლი შოთაძემ ჟურნალისტებს ყოფილი პრეზიდენტის მიხეილ სააკაშვილის საქართველოში ექსტრადირების საკითხთან დაკავშირებით განუცხადა.

როგორც შოთაძემ განმარტა, უკრაინის კონსტიტუციით მისი მოქალაქის უცხო ქვეყანაში ექსტრადირება არ შეიძლება.

„ჩვენ ორჯერ გვაქვს გაგზავნილი ექსტრადირების მოთხოვნა უკრაინაში, რაზეც მიღებული არის უარი. ჩვენ საკმაოდ აქტიურად ვთანამშრომლობთ ჩვენს კოლეგებთან უკრაინაში, უკრაინის გენერალურ პროკურატურასთან. თუმცა დღესდღეობით, მისი საქართველოში ექსტრადირების შემაფერხებელი გარემოება სამართლებრივად არის უკრაინის კონსტიტუცია - მათი მოქალაქის უცხო ქვეყანაში ექსტრადირება არ შეიძლება. თუმცა რა თქმა უნდა ჩვენ ვაგრძელებთ მუშაობას“,-განაცხადა ირაკლი შოთაძემ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან