საგარეო პოლიტიკის საკითხებში პრეზიდენტის მრჩეველ თენგის ფხალაძისთვის გაუგებარია, თუ რატომ გაჩნდა ხმები იმასთან დაკავშირებით, რომ რუსეთთან ურთიერთობის დარეგულირების კუთხით, ბელარუსის პრეზიდენტ ალექსანდრე ლუკაშენკოს საქართველოში გზავნილი ჩამოაქვს.

როგორც ფხალაძემ თემის კომენტირებისას ჟურნალისტებს განუცხადა, გზავნილები მაშინ ჟღერდება, როცა ორივე მხარის მხრიდან ურთიერთობის დარეგულირების  პოლიტიკური მზადყოფნა არსებობს. ფხალაძის განმარტებით, რუსეთის ფედერაციის მხრიდან მსგავსი  მზადყოფნა ამ დრომდე არ დაფიქსირებულა.

"მე არვიცი, რატომ გაჩნდა ხმები. მინდა ერთი რამ ვთქვა, რომ გზავნილები ჟღერდება მაშინ, როდესაც არსებობს პოლიტიკური მზადყოფნა მხარეების მხრიდა,  ყველა მხირდან, რომ გადაიდგას კონკრეტული ნაბიჯები რაღაც საკითხის მოსაგვარებლად.სამწუხაროდ, რუსეთის ფედერაციისგან მსგავსი მზადყოფნა ჯერჯერობით დაფიქსირებული არ არის.აქედან გამომდინარე, გზავნილებზე საუბარი ზედმეტია, გარდა ამისა, იცით, რომ არსებობს  კომუნიკაციის სხვადასხვა საშუალება, რომელიც გვაქვს რუსეთის ფედერაციასთან, ეს არის იგივე თუნდა ჟენევის ფორმატი,  სხვა ფორმატები. ასე რომ, აქ გზავნილის მიტანზე საუბარი არ არის, აქ საუბარია პოლიტიკურ ნებაზე,  რომ გადაიდგას რეალური ნაბიჯები იმ პრობლემების გადასაწყვეტად,  რასაც ჰქვია საქართველოს ოკუპირებული რეგიონების პრობლემა და ამიტომ,  სანამ მსგავსი მზადყოფნა რუსეთის ფედერაციის მხრიდან არ იქნება, აქ რაიმე გზავნილებზე საუბარი ზედმეტია",-განაცხადა თენგიზ ფხალაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თბილისი პრაიდი: "ოცნებამ" სცადა, ქვიარ ადამიანები საზოგადოებრივი ცხოვრებიდან გავექრეთ

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი