2017-07-15 14:44:20, 4335 ნახვა
მსოფლიო
რუსეთის ტრანსპორტის სამინისტრომ „საქართველოს ავიახაზების“ რეისები შეზღუდა
რუსეთის ტრანსპორტის სამინისტრომ „საქართველოს ავიახაზების“ რეისები შეზღუდა, - ინფორმაციას „რია ნოვოსტი“ ავრცელებს.
როგორც სამინისტროში აცხადებენ, აღნიშნულის მიზეზი ის გახდა, რომ ქართული მხარე „ურალის ავიახაზებს“ „ჟუკოვსკის“ აეროპორტიდან კვირაში ოთხი რეისის განხორციელების საშუალებას არ აძლევს.
„ეს შეზღუდვა საპასუხო ნაბიჯია, ვინაიდან მაისიდან ქართული მხარე „ურალის ავიახაზებს“ „ჟუკოვსკის“ აეროპორტიდან კვირაში ოთხი რეისის განხორციელების საშუალებას არ აძლევს“, - აცხადებენ რუსეთის ტრანსპორტის სამინისტროში.
ამასთან, სამინისტრო ქართულ მხარეს მოუწოდებს, თავისი ვალდებულებები შეასრულოს და „ურალის ავიახაზებს“ აღნიშნული რეისების განხორციელების უფლება მისცეს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
