ბორის ნემცოვის მკვლელობისთვის ზაურ დადაევს 20 წლით თავისუფლების აღკვეთა მიუსაჯეს

2017-07-13 13:32:37, 2723 ნახვა

მსოფლიო

რუსეთის საოლქო სასამართლომ ოპოზიციონერის ბორის ნემცოვის მკვლელს, ზაურ დადაევს 20 წლით თავისუფლების აღკვეთა მიუსაჯა, - ამის შესახებ BBC იუწყება.

მედია საშუალების ინფორმაციით, პროკურატურა ბრალდებულისთვის სამუდამო პატიმრობას ითხოვდა, თუმცა მოსამართლე იური ჟიტკოვის გადაწყვეტილებით, ზაურ დადაევს 20 წლით თავისუფლების აღკვეთა მკაცრი რეჟიმის კოლონიაში და ჯარიმა 100 ათასი რუბლის ოდენობით მიესაჯა. გადაწყვეტილება ძალაში 10 დღიში შევა, თუ არც ერთი მხარე არ გაასაჩივრებს.

ამასთან, მედიის ცნობით, სასამართლომ დადაევს ასევე ლეიტენანტის წოდება და სიმამაცისთვის მინიჭებული ორდენი ჩამოართვა.

როგორც BBC წერს, ნემცოვის მკვლელობის საქმის კიდევ 4 ფიგურანტს 11-დან 19 წლამდე პატიმრობა მიესაჯა.

შეგახსენებთ, გამოძიებამ დაადგინა, რომ 2015 წლის 27 თებერვალს დადაევმა ბორის ნემცოვს 6-ჯერ ესროლა, რის შედეგადაც ოპოზიციონერი გარდაიცვალა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან