მამა გიორგი მამალაძის ადვოკატის, გიორგი ფანცულაიას განცხადებით, დღეს დაკითხულმა საპატრიარქოს ერთ-ერთმა იურისტმა განაცხადა, რომ მას შორენა თეთრუაშვილისგან ქონებრივ საკითხებზე არაერთი დავალება მიუღია.

ფანცულაიას თქმით, აღნიშნული ადასტურებს, რომ თეთრუაშვილი გასცემს ისეთ დავალებებს და მითითებებს, რომლებიც მის ფუნქციებში არ შედის.

შესაბამისად, ადვოკატის შეფასებით, არსებობს ლოგიკა იმაში, რომ სწორედ თეთრუაშვილმა სთხოვა მამა გიორგი მამალაძეს გველის შხამის მოძიება.

„დაიკითხა საპატრიარქოს იურისტი, ისეთივე როგორიც ედიშერ ქარჩავაა. როდესაც ვკითხეთ, როგორც იურისტს მიუღია თუ არა შორენა თეთრუაშვილისაგან რაიმე დავალება, თქვა, რომ ქონებრივ საკითხებზე მისგან არაერთი დავალება მიუღია. როცა ვკითხეთ, რეფერენტს აქვს თუ არა ამის უფლება, პასუხი ვერ გაგვცა მარტივი მიზეზის გამო, რომ რეფერენტს არ აქვს უფლება ქონებრივ საკითხებზე იურისტს მითითებები და დავალებები მისცეს. ეს ადასტურებს, რომ თეთრუაშვილი გასცემს ისეთ დავალებებს საპატრიარქოში დასაქმებული ადამიანების მიმართ, რომელიც მის ფუნქციებში არ შედის“, - განაცხადა გიორგი ფანცულაიამ.

მისივე თქმით, დღეს დაკითხულმა ერთ-ერთმა მოწმემ ისაუბრა, თუ რა ფინანსური დარღვევები ჰქონდა კლინიკას და როგორ ხდებოდა დეკანოზის დირექტორობის დროს აღნიშნულის ეტაპობრივად გამოსწორება.

„მოწმემ დაადასტურა, რომ მამა გიორგი მამალაძეს არანაირი ფინანსური ანგარების მოტივი არ ჰქონდა კლინიკის დირექტორობის შენარჩუნების“, - განაცხადა გიორგი ფანცულაიამ.

რაც შეეხება მამა გიორგი მამალაძის ნაცნობს, სოსო ნადარეიშვილს, რომელმაც დღეს სასამართლოში ჩვენება მისცა, ადვოკატის თქმით, ნადარეიშვილმა დაადასტურა, რომ მამა გიორგი მამალაძეს გველის შხამი ვინმეს მოსაკლავად არ სჭირდებოდა.

„კანონიერ ფარგლებში იყო თხოვნა გველის შხამის თაობაზე, რომელიც შემდეგ არ განხორციელდა პრაქტიკაში და თხოვნა თხოვნად დარჩა“, - განაცხადა ადვოკატმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გარემოსდაცვითი ზედამხედველობის დეპარტამენტი ავტომობილების დაჯარიმების თაობაზე მოქალაქეებს თაღლითური SMS-ების შესახებ აფრთხილებს

შსს: ინფორმაცია, რომ ქვეყანაში ერთ დღეში 20 000 რუსეთის მოქალაქე შევიდა, დეზინფორმაციაა

მდინარაძე ღარიბაშვილზე - როდესაც კორუფციას ასე უკომპრომისოდ დავუპირისპირდით, იმისთვისაც მზად ვართ, რომ მსგავსი ბრალდებები იქნება

რუსეთის საბაჟო სამსახური: ზემო ლარსის გავლით მგზავრთა ნაკადმა რეკორდი მოხსნა