პოლკოვნიკ ბესიკ ქუთათელაძის სახელობის საჩხერის სამთო მომზადების სკოლაში სამთო მომზადების ზაფხულის საბაზისო კურსი დასრულდა.

თავდაცვის სამინისტროს ინფორმაციით,  ნატოს „პარტნიორობა მშვიდობისათვის პროგრამის“ (PFP) ფარგლებში გამართულ კურსში ნატოს წევრი და პარტნიორი 7 ქვეყნის 25 სამხედრო მოსამსახურე მონაწილეობდა.

უწყების ინფორმაციით, დღეს, სამთო მომზადებაში მონაწილე სამხედროებს კურსის წარმატებით დასრულება საქართველოს შეიარაღებული ძალების წვრთნისა და სამხედრო განათლების სარდალმა, პოლკოვნიკმა მალხაზ მაკარაძემ მიულოცა და შესაბამისი სერტიფიკატები გადასცა.

კურსის პრაქტიკული ნაიწლის გავლსი შემდეგ მონაწილეებს კომპლექსური და ფიზიკური ტესტები ჩაუტარდათ. საბაზისო კურსის დასრულების შემდეგ კი, მათ მომავალ წელს შუალედური კურსის გავლის შესაძლებლობა აქვთ.

აშშ-ის, ლატვიის, პოლონეთის, სომხეთის, უკრაინის, ბელორუსიისა და საქართველოს შეიარაღებული ძალების სამხედრო მოსამსახურეები სამი კვირის განმავლობაში სხვადასხვა სახის სამთო უნარ-ჩვევებს დაეუფლნენ. ისინი სოფელ კაცხში კლდეზე ცოცვის, კლდიდან დაშვებისა და  დაბრკოლებათა ზოლის გადალახვის საჭირო  ტექნიკას  გაეცნენ.
 
სამხედრო მოსამსახურეებმა სამთო აღჭურვილობის მოხმარების წესები და ტექნიკური მონაცემები, ადგილმდებარეობაზე ორიენტირება, რუკაზე მარშრუტების დაგეგმვა,  კომპასისა და რუკის მეშვეობით მთიან რელიეფზე გადაადგილება, დაშავებულის პირველადი დახმარების აღმოჩენა, გადარჩენა და ევაკუაცია შეისწავლეს. 

ზაფხულის საბაზისო კურსი 2 400 მეტრის სიმაღლეზე მარშგადაადგილებასა და კარვებში ღამის გათენებასაც  მოიცავდა.

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თბილისი პრაიდი: "ოცნებამ" სცადა, ქვიარ ადამიანები საზოგადოებრივი ცხოვრებიდან გავექრეთ

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი