ე.წ. ციანიდის საქმეზე ბრალდებული მამა გიორგი მამალაძის ადვოკატის, გიორგი ფანცულაიას განცხადებით, მოწმემ დაკითხვისას დაადასტურა, რომ დეკანოზი გველის შხამის შეძენით იყო დაინტერესებული.

ადვოკატის თქმით, დეკანოზს გველის შხამის მოძიება შორენა თეთრუაშვილმა დაავალა. 

"გველის შხამთან დაკავშირებით, თანამშრომელმა სიტყვა 500 დოლარი დაადასტურა. გახსოვთ თქვენ, დეკანოზი ჩვენებაში ამბობდა, რომ შორენა თეთრუაშვილის თხოვნით, ვინაიდან მას შხამი მალამოსთვის სჭირდებოდა, კითხულობდა გველის შხამს. შორენა თეთრუაშვილის დავალებით მივიდა თანამშრომელთან და ამ თანამშრომელმა თქვა, რომ გიორგი მამალაძე ჩემთან სწორედ ამ თემაზე მოვიდაო და თანხაც კი, 500 დოლარი დაადასტურა", - აღნიშნა გიორგი ფანცულაიამ.

ამასთან, მისი თქმით, კლინიკის დირექტორის მოადგილემ და ფინანსური სამსახურის უფროსმა დაკითხვისას განაცხადეს, რომ კლინიკაში დეკანოზის მისვლის შემდეგ მამა გიორგი მამალაძემ ხელფასი დაახლოებით 4-ჯერ შეიმცირა.

"ამის შემდეგ ირონიულია ისაუბრო, რომ ასეთ ადამიანს ვინმეს მოკვლა უნდოდა, რათა თანამდებობა შეენარჩუნებინა", - აღნიშნა გიორგი ფანცულაიამ.

ე.წ. ციანის საქმეზე თბილისის საქალაქო სასამართლოში პროცესი ბრალდების მხარის მოწმეების დაკითხვით გრძელდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გარემოსდაცვითი ზედამხედველობის დეპარტამენტი ავტომობილების დაჯარიმების თაობაზე მოქალაქეებს თაღლითური SMS-ების შესახებ აფრთხილებს

შსს: ინფორმაცია, რომ ქვეყანაში ერთ დღეში 20 000 რუსეთის მოქალაქე შევიდა, დეზინფორმაციაა

მდინარაძე ღარიბაშვილზე - როდესაც კორუფციას ასე უკომპრომისოდ დავუპირისპირდით, იმისთვისაც მზად ვართ, რომ მსგავსი ბრალდებები იქნება

რუსეთის საბაჟო სამსახური: ზემო ლარსის გავლით მგზავრთა ნაკადმა რეკორდი მოხსნა