იუსტიციის უმაღლესი საბჭოს წევრის ნაზი ჯანეზაშვილის განცხადებით, მან თბილისის საქალაქო სასამართლოს  თავმჯდომარის  თანამდებობაზე ვასილ მშვენიერაძის კანდიდატურას მხარი არ დაუჭირა.

როგორც ჯანეზაშვილმა ჟურნალისტებს განუცხადა, იუსტიციის საბჭოს არ აქვს გაწერილი პროცედურები, თუ როგორ უნდა დაინიშნოს ამა თუ იმ სასამართლოს თავმჯდომარე.

მისივე თქმით, საბჭოს შესთავაზა, დროებით, რამდენიმე თვით მიენიჭებინათ ვასილ მშვენიერაძისთვის საქალაქო სასამართლოს თავმჯდომარის უფლებამოსილება  და პარალელურად  საბჭოს ემუშავა  თავმჯდომარის დანიშვნის პროცედურებზე, რათა შეექმნა კონკურენტული გარემო.

„ისე რომ მოსამართლეებს ყველას მისცემოდა შესაძლებლობა, მიეღო კონკურსში მონაწილეობა, მხოლოდ ერთ კანდიდატურაზე გვქონდა მსჯელობა. ეს არ არის ბუნებრივია კონკურენტული გარემო, აუცილებლად ყველა მოსამართლეს უნდა მივცეთ საშუალება, კონკურსში მიიღოს მონაწილეობა, გამოსცადოს თავისი შესაძლებლობები საქალაქო სასამართლოს თავმჯდომარის პოზიციაზე“,-აღნიშნა ნაზი ჯანეზაშვილმა.

ვასილ მშვენიერაძის კანდიდატურას, რომელიც თბილისის საქალაქო სასამართლოს ყოფილმა თავმჯდომარემ,  იუსტიციის უმაღლესი საბჭოს მდივანმა გიორგი მიქაუტაძემ დაასახელა, ასევე, მხარი არ დაუჭირა საბჭოს კიდევ ერთმა წევრმა ვახტანგ მჭედლიშვილმა.

ცნობისთვის, იუსტიციის უმაღლესმა საბჭომ საქალაქო სასამართლოს თავმჯდომარედ ვასილ მშვენიერაძე აირჩია.

ის ამ პოზიციაზე  დღეიდან იქნება დანიშნული.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ერთიანი ეროვნული გამოცდების განრიგი ცნობილია

UFC-ის მსუბუქი წონითი დივიზიონის საჩემპიონო ქამრისთვის ბრძოლაში ილია თოფურია ჯასტინ გეიჯთან დამარცხდა

ვენსის თქმით, ირანთან შეთანხმება ახლო აღმოსავლეთში ახალ ერას იწყებს

თოფურიას დაპირისპირებას პრეზიდენტი ტრამპი და სხვა მაღალჩინოსნები უყურებენ