საქართველოს პრემიერ-მინისტრის ირაკლი ღარიბაშვილის განცხადებით, ათონელის რეზიდენციაში პრეზიდენტის იძულებით გადაყვანის შესახებ საუბარი  შეურაცხმყოფელი და დამაკნინებელია. ამის შესახებ ღარიბაშვილმა სასტუმრო "ქორთიარდ მარიოტში" განუცხადა.

ირაკლი ღარიბაშვილმა საზოგადოებას და მედიის წარმომადგენლებს მოუწოდა, პრეზიდენტის ინსტიტუტზე ამგვარად არ ისაუბრონ.

მისივე მტკიცებით, პრეზიდენტის გადაყვანა იძულებით ათონელის რეზიდენციაში არ მოხდება. თუმცა, ირაკლი ღარიბაშვილი ამბობს, რომ პრეზიდენტის ადგილას ათონელის რეზიდენციაში გადავიდოდა.

"როდესაც საუბრობთ რაღაც იძულებით წესით გადაყვანაზე, ეს არის ძალიან დამაკნინებელი და შეურაცხმყოფელი სახელმწიფო ინსტიტუტების და მათ შორის პრეზიდენტის ინსტიტუტის. ეს არის ყოვლად მიუღებელი ჩემთვის პირადად, ძალიან გთხოვთ ყველას,  მედია საშულებებს და ექსპერტებს, ყველას რომ ასე არ შეიძლება ვისაუბროთ საქართველოს პრეზიდენტის ინსტიტუტზე, რომ იძულებით მოხდება მისი გადმოყვანა, არამც და რამაც! არასოდეს მეგობრებო.მე მინდა გითხრათ, რომ ნებისმერ ადამიანს აქვს უფლება  ჰქონდეს საკუთარი აზრი და გამოხატოს ის.  რა თქმა უნდა ეს იყო პრეზიდენტის გადაწყვეტილება, რომ მან გადაწყვიტა და გადავიდა სააკაშვილის მიერ აშენებულ ნახევარმილიარდიან სასახლეში. მე თუ მკითხვათ ჩემს აზრს, მე პირადად ამას არ გავაკეთებდი. 100%-ით გიდასტურებთ ამას. სწორედ იქიდან გამომდინარე, რომ საქართველოში დღეს არ არის ისეთი სიტუაცია, რომ ჩვენ მივცეთ საშუალება ჩვენს თავს ნახევარმილიარდიან სასახლეებში ვიცხოვროთ. მოსახელობის ნახევარზე მეტი არის გაჭირვებული და ჩვენი პოზიცია ყოველთვის იყო ის, რომ ამ სასახლის მიმართ იყო უკიდურესად ნეგატიური დამოკიდებულება, მათ შორის პრეზიდენტს ჰქონდა უკიდურესად ნეგატიური დამოკიდებულება. აქედან გამომდინარე, სწორედ მაშინ დავაყენეთ ათონელის რეზიდენციის რემონტი, რომელზეც 28 მილიონი დაიხარჯა, რომელიც მთავრობამ გამოყო. რა თქმა უნდა, ეს პრეზიდენტმა უნდა გადაწყვიტოს, მე მის დგილას რომ ვიყო, ნამდვილად გადავიდოდი ათონელის რეზიდენციაში",-განაცხადა ირაკლი ღარიბაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თბილისი პრაიდი: "ოცნებამ" სცადა, ქვიარ ადამიანები საზოგადოებრივი ცხოვრებიდან გავექრეთ

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი