საქართველოს პარლამენტის ვიცე-სპიკერის ზვიად ძიძიგურის შეფასებით, პრეზიდენტის გადაწყვეტილება თვითმმართველობის არჩევნების ოქტომბრის მესამე კვირაში ჩატარებასთან დაკავშირებით, სწორი ნაბიჯია.

როგორც ძიძიგურმა აღნიშნა, არჩევნებისთვის მოსამზადებლად პარტიებს საკმაო დრო ექნებათ.

მისივე განმარტებით, პრეზიდენტის ადმინისტრაცია ვალდებული არ არის, კონკრეტული თარიღის დასახელების საკითხზე პარლამენტთან იმსჯელოს.

დეპუტატმა აღნიშნა, რომ საკითხი მთავრობასთან მოლაპარაკებით წყდება.

„ვფიქრობ, არაფერი მოულოდნელი არ არის რა თარიღიც გამოაცხადა ბატონმა პრეზიდენტმა, ოქტომბრის მესამე კვირის ბოლო. ეს არის ძალიან სწორი, იმიტომ, რომ პარტიებს მეტი დრო ექნებათ, მოემზადონ წინასაარჩევნო კამპანიისთვის ფსიქოლოგიურად და მორალურად“, - განაცხადა ძიძიგურმა.

შეგახსენებთ, რომ საქართველოს პრეზიდენტმა თვითმმართველობის არჩევნების სავარაუდო თარიღი დაასახელა. შესაბამის აქტს არჩევნების დანიშვნის შესახებ გიორგი მარგველაშვილი არჩევნებამდე 60 დღით ადრე, აგვისტოს ბოლოს გამოსცემს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს