2017-06-20 23:16:21, 2223 ნახვა
პოლიტიკა
კობახიძე 2020 წლის საპარლამენტო არჩევნებში, ქართული ოცნების მიერ, საკონსტიტუციო უმრავლესობის მიღებას გამორიცხავს
ირაკლი კობახიძის განცხადებით, მომავალ საპარლამენტო არჩევნებში „ქართული ოცნება“ საკონსტიტუციო უმრავლესობას ვერ მოიპოვებს.
აღნიშნულის შესახებ, პარლამენტის თავმჯდომარემ გადაცემა „არჩევანში“ ისაუბრა.
„2020 წლის საპარლამენტო არჩევნებში, ქართული ოცნების მიერ საკონსტიტუციო უმრავლესობის მიღებას გამოვრიცხავ. ამის მთავარი გარანტია არის 3%-იანი ბარიერი, რაც აისახება მომავალ არჩევნებზე.
ეს უზრუნველყოფს ოპოზიციის უფრო ფართო წარმომადგენლობას საკანონმდებლო ორგანოში და შესაბამისად, ამით შემცირდება მმართველი პარტიის წარმომადგენლობა“, - აღნიშნა ირაკლი კობახიძემ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
