საქართველოს პარლამენტის რიგგარეშე სხდომა ხვალ, 13:00 საათზე გაიმართება.

გადაწყვეტილება ცოტა ხნის წინ, ბიუროს სხდომაზე მიიღეს.

როგორც პარლამენტის თავმჯდომარე ირაკლი კობახიძემ განაცხადა, პარლამენტი უფლებამოსილია სხდომა პრეზიდენტის თანხმობის გარეშეც ჩაატაროს.

რიგგარეშე სხდომაზე საქართველოს კონსტიტუციაში ცვლილებების შეტანის თაობაზე, აჭარის ავტონომიური რესპუბლიკის კონსტიტუციური კანონპროექტის შესახებ პირველი და მეორე მოსმენის საკითხი და საქართველოს იუსტიციის უმაღლესი საბჭოს წევრების არჩევის საკითხები განიხილება.

“პრეზიდენტს გავუგზავნეთ წარდგინება რიგგარეშე სხდომის მოწვევის თაობაზე, თუმცა პარლამენტს უარი ეთქვა პრეზიდენტის მხრიდან. შესაბამისად, ჩვენ კონსტიტუციისა და რეგლამენტის თანახმად, უფლებამოსილნი ვართ, შევიკრიბოთ საკუთარი ინიციატივით. რიგგარეშე სხდომის დღის წესრიგში წარმოდგენილია სულ ორი საკითხი, ეს არის საქართველოს იუსტიციის უმაღლესი საბჭოს წევრების არჩევის საკითხი და მეორე: საქართველოს კონსტიტუციური კანონის პროექტი, საქართველოს კონსტიტუციაში ცვლილების შეტანის შესახებ, პირველი და მეორე მოსმენით და კონსტიტუციური კანონის პროექტი აჭარის ავტონომიური რესპუბლიკის შესახებ, პირველი და მეორე მოსმენით”, - აღნიშნა ირაკლი კობახიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს