ხუნდაძე: მაჟორიტარული სისტემის ამ ეტაპზე არ გაუქმებაზე შეთანხმება ორმხრივი კომპრომისის წყალობით მოხდა

2017-06-20 14:42:31, 2212 ნახვა

პოლიტიკა კომენტარი

საპარლამენტო უმრავლესობის წევრის, დიმიტრი ხუნდაძის განცხადებით, 2024 წლამდე მაჟორიტარული სისტემის არ გაუქმების გადაწყვეტილება ორმხრივი კომპრომისის საფუძველზე მიიღეს და თავად კმაყოფილია.

როგორც ხუნდაძემ ჟურნალისტებს განუცხადა, მაჟორიტარული სისტემა უნდა გაუქმდეს, მაგრამ მას შემდეგ, რაც მყარად იქნება ჩამოყალიბებული თვითმმართველობა.

მისივე შეფასებით, ეს პერიოდი თვითმმართველობის გასაძლიერებლად საკმარისი იქნება.

"ღრმად ვიყავი დარწმუნებული, რომ ის აზრი, რომ მაჟორიტარული სისტემა არ უნდა გაუქმებულიყო ამ ეტაპზე, ის განვითარებას პოვებდა. შეთანხმება იქნა მიღწეული ორმხრივი კომპრომისის წყალობით. მე რა თქმა უნდა, კმაყოფილი ვარ",-აღნიშნა ხუნდაძემ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან