პროპორციული საარჩევნო სისტემა ყველაზე დემოკრატიული სისტემაა ქვეყნისთვის. ჩვენ სრულად ვეთანხმებით კომისიის და პარლამენტის გადაწყვეტილებას, თუმცა იყო აზრთა სხვადასხვაობა, - ამის შესახებ ვენეციის კომისიის პრეზიდენტმა ჯანი ბუკიკიომ „საზოგადოებრივ მაუწყებელთან“ ინტერვიუში განაცხადა.

ბუკიკიოს თქმით, ვენეციის კომისიამ რამდენიმე ალტერნატივა შესთავაზა ქართულ მხარეს იმისთვის, რომ მოხდეს ბალანსის დაცვა უმრავლესობასა და დანარჩენ ძალებს შორის. 

„ახლა ეს დამოკიდებულია საქართველოს მთავრობაზე. ჩვენ შევთავაზეთ სხვადასხვა საშუალება, მაგალითად, პარლამენტში წარმოდგენილი ყველა პარტიისთვის მანდატების პროპორციულად გადანაწილება. სხვა მხრივ, თავმჯდომარის მიერ წარმოდგენილი შეთავაზება ჩვენთვის მისაღებია. ჩვენი მიზანია საქართველოს პარლამენტში უმრავლესობა არ იქნეს წარმოდგენილი, როგორც ძალაუფლების სრული მფლობელი. ჩვენი პოზიციაა, რომ კონსტიტუციაში არ ჩაიწეროს ისეთი რამ, რაც პარლამენტში უმრავლესობას სრულ კონტროლს მიანიჭებს. ეს არ შეესაბამება ევროპული ქვეყნის სტანდარტებს. ეს ყველაფერი დამოკიდებული უნდა იყოს ქართულ საზოგადოებაზე, ვინ სურთ, რომ იყოს წარმოადგენილი პარლამენტში,''- აღნიშნა ჯანი ბუკიკიომ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს