აჭარის ა/რ ჯანმრთელობისა და სოციალური დაცვის მინისტრი ზაალ მიქელაძე, მოადგილეებთან და სოციალური დაცვის დეპარტამენტის უფროსთან ერთად განახლებულ სარეაბილიტაციო ცენტრს ეწვია.

აჭარის ჯანდაცვის სამინისტროს ინფორმაციით, სარეაბილიტაციო ცენტრმა „გენეზისი“ სახელწოდება და ადგილმდებარეობა შეიცვალა და ბენეფიციარებს მომსახურებას ორთაბათუმის ნაცვლად ქ. ბათუმში, თაყაიშვილის ქ. N8-ში რეაბილიტაციის ცენტრ „ფანშეტის“ სახელით სთავაზობს.

ცენტრში შესაძლებელია როგორც ბავშვთა, ასევე ზრდასრულთა რეაბილიტაციის სერვისების მიღება. ცენტრის ტექნიკური აღჭურვა და პროფესიული უზრუნველყოფა ამერიკელი და შვეიცარიელი ნეირორეაბილიტოლოგების - პაულ პიჩისა და ბრიგიტ იანის ფინანსური და აკადემიური დახმარებით განხორციელდა.

ცენტრის დირექტორის, ხათუნა ფაღავას განმარტებით, პროფესორი ბრიგიტ იანი უკევ 10 წელია ზრუნავს ცენტრის გუნდის პროფესიულ ზრდაზე და საქართველოში ნეირორეაბილიტაციის განვითარებაზე. ის პერიოდულად ლექციებს კითხულობს ბათუმის შოთა რუსთაველის სახელმწიფო უნივერსიტეტში.

განახლებული ცენტრი ადაპტირებულია შეზღუდული შესაძლებლობის პირებისათვის. დაწესებულება ჩართულია აჭარის ჯანდაცვის სამინისტროს პროგრამებში. ესენია: ბავშვთა ადრეულ განვითარება, ცერებრალური დამბლით დაავადებულ ბავშვთა ფსიქოსომატური რეაბილიტაცია/აბილიტაცია და მოზრდილი მოსახლეობის სამედიცინო რეაბილიტაცია.

„სამინისტრო 2018 წლისათვის ამზადებს ახალ პროგრამას, რომელიც - აუტიზმის სპექტრის დარღვევების მქონე ბავშვთა რეაბილიტაციას ითვალისწინებს. პროგრამის ფარგლებში სამედიცინო რეაბილიტაცია 2 -დან 15 წლის ასაკის ჩათვლით ბავშვებასათვი დაფინანსდება“, -აღნიშნა მინისტრმა ზაალ მიქელაძემ.

შეზღუდული შესაძლებლობის პირების უზრუნველყოფა სხვადასხვა საჭიროებებით, აჭარის ავტონომიური რესპუბლიკის ჯანმრთელობისა და სოციალური დაცვის სამინისტროს ერთ-ერთი მთავრი პრიორიტეტია. ამ სტატუსის მქონე მოქალაქეები სამინისტროს ყვლა პროგარმის ბენეფიციარები არიან და მათ რიგითობის შემთხვევაში უპირატესობა ენიჭებათ.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თბილისი პრაიდი: "ოცნებამ" სცადა, ქვიარ ადამიანები საზოგადოებრივი ცხოვრებიდან გავექრეთ

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი