განათლებისა და მეცნიერების მინისტრის ალექსანდრე ჯეჯელავას განცხადებით, საბუნებისმეტყველო საგნებში მოსწავლეთა ცოდნის დაბალი დონე, ძირითადად, რეგიონებსა და ეთნიკური უმცირესობებით დასახლებულ სოფლებში გამოიკვეთა.

ჯეჯელავა თვლის, მაღალი კვალიფიკაციის პედაგოგების გარეშე ხარისხიანი სწავლება შეუძლებელია. 

მინისტრის თქმით, რეგიონების სკოლებში განათლების დაბალი დონე იმით არის განპირობებული, რომ მასწავლებელთა კორპუსი წლების განმავლობაში არ იცვლება.

"ეროვნული სასწავლო გეგმა სოფლის სკოლებში საფუძვლიანად არ მუშაობს და მისი გაუმჯობესებაა საჭირო", - განაცხადა ჯეჯელავამ. 

თბილისში, შეფასებისა და გამოცდების ეროვნული ცენტრის ორგანიზებით კონფერენცია მიმდინარეობს, რომელშიც საქართველოს ვიცე-პრემიერი, განათლებისა და მეცნიერების მინისტრი ალექსანდრე ჯეჯელავა მონაწილეობს. კონფერენციის თემაა: „სახელმწიფო და საერთაშორისო შეფასება: სასკოლო განათლების ძირითადი გამოწვევები“.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ანტიკორუფციულმა ორგანოებმა ზელენსკის ოფისის უფროსის მოადგილის სახლში ჩხრეკა ჩაატარეს

მიხაილ ფედოროვმა უკრაინაში არჩევნების ჩატარება მოითხოვა

ტრამპს ჩრდილოეთ კორეის ლიდერთან შეხვედრა შემოდგომაზე სურს

შეერთებულმა შტატებმა საერთაშორისო სისხლის სამართლის სასამართლოს პრეზიდენტის წინააღმდეგ სანქციები დააწესა