საქართველოში გაცემული აკრედიტაციის შედეგები საერთაშორისო დონეზე იქნა აღიარებული - ევროპული აკრედიტაციის (EA) გენერალურ ასამბლეაზე გაცემული აკრედიტაციის შედეგების აღიარების შეთანხმებას (EA BLA) ხელი მოეწერა.

ეკონომიკისა და მდგრადი განვითარების მინისტრის მოადგილის, გენადი არველაძის განცხადებით, შეთანხმება მოიცავს ეკონომიკის სამინისტროს აკრედიტაციის ერთიანი ეროვნული ცენტრის მიერ გაცემულ აკრედიტაციებს შემდეგ  სფეროებში: გამოცდები და დაკალიბრება, პროდუქტის სერტიფიკაცია, პერსონალის სერტიფიკაცია და ინსპექტირება. 

ამ სფეროებში აკრედიტებული პირების მიერ გაცემული გამოცდის ოქმები  და სერტიფიკატები აღიარებულია ევროკავშირის და  ევროპის აკრედიტაციის სხვა წევრი ქვეყნების მიერ.

,,მინდა ჩვენს ქვეყანას ევროპული აკრედიტაციის მიერ  აკრედიტაციის საერთაშორისო აღიარება მივულოცო. ეს არის ჩვენი ქვეყნის ძალიან მნიშვნელოვანი წარმატება, რაც  ჩვენ  საშუალებას გვაძლევს,  ჩვენი აკრედიტაციის სფერო იყოს საერთაშორისოდ აღიარებული.  

ეს არის ევროინტეგრაციის გზაზე წინგადადგმული ნაბიჯი, ეს არის ამ სფეროში პირველი წარმატება, რომელიც  საშუალებას იძლევა შესაბამისი სფეროების მიხედვით სერტიფიკატების, ლაბორატორიების, შპს-ების სერტიფიკატების  საერთაშორისოდ აღიარება მოხდეს“, - განაცხადა გენადი არველაძემ.

მისი თქმით, უმრავლეს შემთხვევაში ექსპორტიორს უცხოეთში გამოცდების და სერტიფიკაციის  ჩატარება აღარ დასჭირდება.

,,ეს ხელს შეუწყობს ჩვენს მეწარმეებს, რომ  დაზოგონ დრო და ის ხარჯი, რომელიც მათ ამ დრომდე უწევდათ, სანამ ჩვენს  შესაბამის სფეროებში არ არსებობდა საერთაშორისო  აკრედიტაციის აღიარება. მე მინდა ის სფეროები გამოვყო, სადაც  ჩვენ საერთაშორისო აღიარება მივიღეთ, ეს არის: გამოცდები და დაკლიბრება,  პროდუქტის სერტიფიკაცია, პერსონალის სერტიფიკაცია და ინპეექტირება.  ეს ის სფეროებია, სადაც ჩვენ  საერთაშორისო აკრედიტაცია მივიღეთ. ჩვენ,  მას შემდეგ, რაც ასოცირების შეთანხმებას (რომლის განუყოფელი ნაწილია ღრმა და ყოვლისმომცველი თავისუფალი ვაჭრობის  შეთანხმება) მოვაწერეთ ხელი, მისი ძალაში შესვლის შემდეგ, 2014 წელს გავაკეთეთ განაცხადი ევროპულ აკრედიტაციასთან მიერთებასთან დაკავშირებით.  შესაბამისად 2014 წლის ნოემბერში  ამ განაცხადის შემდეგ ჩატარდა ორი საერთაშორისო მისია“, - აღნიშნა გენადი არველაძემ.  

მინისტრის მოადგილის განცხადებით, საგამოცდო ლაბორატორიებში აკრედიტირებულია დაახლოებით - 101 აპირი, საკალიბრებელ ლაბორატორიაში -  7,  პროდუქტის სერტიფიკაციის ორგანოში - 6,  ასევე  პერსონალის სერტიფიკაციის ორგანო, სადაც არის 6 პირი აკრედიტირებული და ინსპექტირების ორგანო, სადაც 79 აკრედიტირებული პირია.    
ქართული აკრედიტაციის აღიარება საერთაშორისო ბაზრებზე ქართული პროდუქციისთვის ტექნიკურ ბარიერებს შეამცირებს და ხელს შეუწყობს საქართველოში წარმოებული პროდუქტის კონკურენტუნარიანობის ზრდას.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ხაბეიშვილი - ქოცების ხელში დავრჩებით მანამ, სანამ არ მოვიკრებთ გამბედაობას და არ გადავალთ შეტევაზე

ქართველ მწერალთა სახლს შეუერთდებიან ჭავჭავაძის, წერეთლის, ტაბიძის და სხვათა მუზეუმები

შეავსე განაცხადი 2026 წლის მასწავლებლის ეროვნულ ჯილდოზე - პროექტის მხარდამჭერი საქართველოს ბანკია

მართვის მოწმობის მიღების წესებში ცვლილებები შევიდა