ევროკავშირის სადამკვირვებლო მისია გიგა ოთხოზორიას მკვლელობაში მსჯავრდებულის ბრალდების მოხსნის ფაქტს გამოეხმაურა.

როგორც მისიის მიერ გამოქვეყნებულ განცხადებაშია ნათქვამი, "ერთწლიანი ინტენსიური მუშაობისა და საგამოძიებო მასალების ინციდენტების პრევენციისა და მათზე რეაგირების მექანიზმის ფარგლებში შეხვედრებზე გადაცემის შემდეგ, მართლმსაჯულების აღუსრულებლობა დიდი იმედგაცრუება იყო.“

გიგა ოთხოზორიას საქმის გარდა, ევროკავშირის სადამკვირვებლო მისიის განცხადების მიხედვით, გალის შეხვედრაზე საუბარი ადმინისტრაციულ საზღვართან დაკავებულთა ბოლოდროინდელ შემთხვევებს და ე.წ. ბორდერიზაციას შეეხო.

მისიის განცხადებით თანახმად, ადგილობრივ მოსახლეობას სასოფლო-სამეურნეო დანიშნულების მიწის ნაკვეთებზე წვდომას უზღუდავს. განხილვის თემა ასევე მარტში, ორი საკონტროლო გამშვები პუნქტის დახურვა და ადგილობრივ მოსახლეობაზე მისი გავლენა იყო.

შეგახსენებთ, რომ საქართველოს მოქალაქე გიგა ოთხოზორია, ერთი წლის წინ, 19 მაისს სოფელ ხურჩაში ე.წ.  მესაზღვრემ ცეცხლსასროლი იარაღიდან გასროლით მოკლა. ბრალდებულ რაშიდ კანჯიოღლის, რომელსაც ოკუპირებული აფხაზეთის ე.წ  პროკურატურამ სისხლის სამართლებრივი დევნა შეუწყვიტა, საქართველოში დაუსწრებლად, ქუთაისის სააპელაციო სასამართლოს ბოლო განაჩენით 14 წლიანი პატიმრობა აქვს მისჯილი. ის მკვლელობისა და იარაღის უკანონო შეძენა - შენახვის ბრალდებებით, საქართველოს ხელისუფლების მოთხოვნით, ინტერპოლის წითელი ცირკულარით იძებნება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძემ გიორგი კანდელაკის დაჭერა შეუკვეთა

ელენე ხოშტარიას წერილი ციხიდან: ძალიან მნიშვნელოვანი დღე იყო

კობახიძე - არავის აინტერესებს უკრაინისა და უკრაინელი ხალხის ინტერესები

კობახიძე - გვარამიას, ზურაბ ჯაფარიძის, სალომე ზურაბიშვილის და ასეთი ადამიანების დაძახებულზე 5000 კაცი გამოდის, წარმატებაა