„მოკვდინება არის პიროვნების სულიერი განადგურება“,-ასე განმარტა საპატრიარქოს იურისტმა ედიშერ ქარჩავამ  მის მიერ გაკეთებული განცხადება, რომელიც მეუფე პეტრეს ეხებოდა.

როგორც ქარჩავამ გადაცემა „არჩევანში“ აღნიშნა, მოკვდინებაში არა ფიზიკური, არამედ სულიერი განადგურება იგულისხმა.

„მოკვდინება არის პიროვნების სულიერი განადგურება, მის მიმართ უმძიმესი, მომაკვდინებელი ბრალდებების წაყენება და ამ ბრალდებების ტირაჟირება. ეს არის ყველაზე უმძიმესი ბრალდება ანუ მეუფე პეტრე უკვე დიდი ხანია, გავიდა ეკლესიის ფარგლებიდან,“ - განაცხადა ედიშერ ქარჩავამ.

ქარჩავას განცხადებით, მეუფე პეტრემ თავი ეკლესიის გარეთ დააყენა და ბევრჯერ არ დაემორჩილა საპატრიარქოს, რის გამოც, თავად აიღო პასუხისმგებლობა და ახლა ასაჯაროებს სხვადასხვა მტკიცებულებებს, სადაც მეუფე პეტრეს სურვილები იკვეთება.

მან ასევე განმარტა, რომ თავისი ქმედებები საზოგადოების სრულად ინფორმირებისკენ არის მიმართული.

„ჩემს ადგილას სასულიერო პირი, რასაც მე ვაკეთებ ამას სასულიერო პირი ვერ გააკეთებდა მეუფე პეტრეს წინააღმდეგ“, - განაცხადა ედიშერ ქარჩავამ.

თუმცა, მას არ დაკონკრეტებია, ზუსტად რას ელის საზოგადოების ინფორმირების შემდეგ თავად მოსახლეობიდან.

ედიშერ ქარჩავა მეუფე პეტრეს აკრიტიკებს და აღნიშნავს, რომ კათოლიკოს-პატრიარქი არა მდივან-რეფერენტის შორენა თეთრუაშვილის გავლენის ქვეშ, არამედ მეუფე პეტრეს განცხადებებიდან გამომდინარე, თავად ეპისკოპოსის გავლენის ქვეშ ყოფილა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„დეფიციტის ახალი ტალღა“: რუსეთში ბენზინგასამართი სადგურების 70%-ზე მეტს ბენზინი ამოეწურა

„ყველა, ვისაც შეუძლია, ცდილობს თავისი ფულის გატანოს“ - რუსი მილიარდერები კაპიტალის გადარჩენას ცდილობენ

ღარიბაშვილი: წერილი გამომიგზავნა მამუკა მდინარაძემ

ირაკლი ღარიბაშვილი საპატიმროდან დაპირებულ წერილს ავრცელებს