საქართველოში მიმდინარე დიასპორის ფორუმის ფარგლებში 2017 წლის 28 მაისს გაიმართა თბილისში მტკვრის მარცხენა სანაპიროს მონაკვეთისთვის ლევილის სახელის მინიჭების ოფიციალური ცერემონია.
 
ღონისძიებას ფორუმში მონაწილეობის მიღების მიზნით, საზღვარგარეთიდან ჩამოსული ქართული დიასპორის წარმომადგენლები, მათ შორის საქართველოს პირველი დემოკრატიული რესპუბლიკის მთავრობის წევრთა შთამომავლები ესწრებოდნენ.
 
სანაპიროსთვის ლევილის სახელის მინიჭების ცერემონიაზე მოსულ სტუმრებს მიმართეს საქართველოს საგარეო საქმეთა მინისტრმა მიხეილ ჯანელიძემ, ქ.თბილისის მერმა დავით ნარმანიამ, ლევილის ვიცე მერმა დანიელ ესპრენმა, საქართველოში საფრანგეთის ელჩის მოვალეობის შემსრულებელმა ნატაშა ეფიმოვამ და ლევილის მმართველი საბჭოს წევრმა ირენ ციციშვილმა.
 
საგარეო საქმეთა მინისტრმა საკუთარ გამოსვლაში კიდევ ერთხელ ხაზი გაუსვა ლევილის მამულის სიმბოლურ დატვირთვას და აღნიშნა, რომ იგი წარმოადგენს, როგორც საქართველოს სახელწმიფოებრიობის, ასევე ქართული დიასპორის სიმბოლოს.
 
მისივე განცხადებით, პირველი რესპუბლიკის შთამომავლებმა აღასრულეს წინაპრების ნება და დღეს ლევილი როგორც ეროვნული მემკვიდრეობის მნიშვნელოვანი ნაწილი  დაუბრუნა ქართულ სახელწმიფოს,  მთავრობის გადაწყვეტილებით ლევილი იქცევა ქართული კულტურის და საქართველოს სიმბოლოდ არა მხოლოდ საფრანგეთში არამედ მთელს ევროპაში.
 
მან მადლობა გადაუხადა ქ. თბილისის მერიას და საკრებულოს აღნიშნული ინიციატივის მხარდაჭერისთვის.
 
როგორც თბილისის მერმა დავით ნარმანიამ განაცხადა, ლევილის სახელობის სანაპიროზე სიმბოლური მონუმენტი  აღიმართება.
 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე - გვარამიას, ზურაბ ჯაფარიძის, სალომე ზურაბიშვილის და ასეთი ადამიანების დაძახებულზე 5000 კაცი გამოდის, წარმატებაა

მათში გამჯდარია და გარანტია აქვთ დაუსჯელობის სინდრომის - სამუშია პოლიციელებზე

კობახიძე: ვნახე კადრები, შესაბამის უწყებებს უნდა ჰქონდეთ და ექნებათ სათანადო რეაგირება

ქართული ოცნების პოლიტიკის გარდაუვალი შედეგია – თავისუფლების მოედანი გორში მომხდარზე