განათლებისა და მეცნიერების მინისტრის ალექსანდრე ჯეჯელავას შეფასებით, საქართველოში უმაღლესი განათლების გადაჭარბებული პოპულარობაა.

მისივე თქმით, გერმანიაში ბავშვების დაახლოებით 30% ამთავრებს 12 კლასს, რადგან ყველას არ აქვს საშუალება, 12 კლასი დაამთავროს.

გარდა ამისა, მინისტრის შეფასებით, ზოგს ამის მოტივაციაც არ აქვს:

„რას აკეთებენ დანარჩენები? დაახლოებით მე-9 კლასიდან მიდიან პროფესიული განათლების მიმართულებით. ჩვენთან უმაღლესი განათლების გადაჭარბებული პოპულარობაა. მიუხედავად იმისა, ახლაგაზრდა კარგად სწავლობს, ცუდად სწავლობს, ავლენს აკადემიურ უნარებს, არ ავლენს, მაინც ცდილობს, რომ სრული 12 კლასის ატესტატი მიიღოს და უმაღლესში გააგრძელოს სწავლა. ამ შემთხვევაში განსხვავება გერმანიასთან ის არის, რომ ბავშვები, რომლებიც იქ ვერ ჩააბარებდნენ ამ გამოცდას, აღარ გადიან მასზე და ირჩევენ ალტერნატივას. გრძელვადიან პერსპექტივაში, დარწმუნებული ვარ, რომ ჩვენთან პროფესიული განათლების პოპულარობა იზრდება და ყოველ წელს მეტი ახალგაზრდა გადაწყვეტს, რომ მეტი ენერგია დაახარჯონ პრაქტიკულ უნარებს, რაც შრომით ბაზარზე გამოადგებათ. რაც უფრო მეტი მოსწავლე შეეცდება, რომ წავიდეს პრაქტიკული უნარების განვითარების მიმართულებით, მით ნაკლებად იქნება ეს პრობლემა. ჩვენ გვაქვს სისტემა, რომელიც უმუშევრებს თავიდანვე აგენერირებს",- განაცხადა ალექსანდრე ჯეჯელავამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გორში ტელე-რადიო კომპანია „თრიალეთის“ მხარდამჭერი აქცია გაიმართა

თიბისი სტუმრებს Tbilisi Open Air-ზე განსაკუთრებული შეთავაზებებით უმასპინძლებს

მდინარაძე ავალიანის საქმეზე დაზარებულებს მიმართავს - ნუ დავასწრებთ მოვლენებს

კუპრაძე - მოქალაქეებო კამერებით რუსული სპეცსამსახურები გვითვალთვალებენ, ეს ყველაფერი ივანიშვილის ანტიქართულმა რეჟიმმა აამოქმედა