შს მინისტრის პირველი მოადგილე რაინლანდ-პფალცის ფედერალური მიწის პოლიციის იუბილეს აღსანიშნავ ღონისძიებას დაესწრო

საქართველოს შინაგან საქმეთა მინისტრის პირველი მოადგილე, ბესიკ ამირანაშვილი, შსს-ს აკადემიის რექტორთან - გივი მიქანაძესთან და გერმანიის ფედერაციულ რესპუბლიკაში საქართველოს შსს-ს პოლიციის ატაშესთან - გვანცა ჩხვიმიანთან ერთად, მაინცში, რაინლანდ-პფალცის ფედერალური მიწის პოლიციის დაარსებიდან 70 წლის იუბილესადმი მიძღვნილ ღონისძიებას დაესწრო.

ღონისძიების ფარგლებში, დელეგაციის წევრები რაინლანდ-პფალცის შინაგან საქმეთა სამინისტროს ხელმძღვანელ პირებს შეხვდნენ.

შეხვედრაზე მხარეებმა საქართველოსა და გერმანიის სამართალდამცავ სტრუქტურებს შორის არსებულ წარმატებულ ორმხრივ თანამშრომლობასა და სამომავლო გეგმებზე ისაუბრეს.

საქართველოს შსს-ს მჭიდრო თანამშრომლობა აკავშირებს რაინლან-პფალცის ფედერალურ მიწასთან.

2016 წელს გაფორმდა „საქართველოს შინაგან საქმეთა სამინისტროსა და რაინლანდ-პფალცის ფედერალური მიწის შინაგან საქმეთა, სპორტისა და ინფრასტრუქტურის სამინისტროს შორის“ ურთიერთგაგების მემორანდუმი, რომელიც თანამშრომლობის ძირითად სფეროებს განსაზღვრავს და პოლიციელთა შესაძლებლობების განვითარებას ითვალისწინებს.

(NS)
 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინაში დააკავეს მართლმადიდებელი მღვდელი, რომელიც რუს ოკუპანტებს რაკეტების დარტყმის სამიზნეებს აძლევდა

პაპუაშვილი - 26 მაისის საპროტესტო აქცია რადიკალური ოპოზიციისთვის სიკვდილით დასჯად იქცა

პროკურატურამ საბავშვო ბაღში ბავშვის ცემაში ეჭვმიტანილ მასწავლებელს ბრალდება წარუდგინა

ბრიტანეთის მიერ დასანქცირებული ქართული კომპანიების წინააღმდეგ გამოძიება დაიწყო