ლაშა თორდია 13 მაისს მომხდარ ინციდენტთან დაკავშირებით, არასამთავრობო სექტორს ხვდება

2017-05-18 15:32:57, 2419 ნახვა

სამართალი

სახელმწიფო აუდიტის სამსახურის ხელმძღვანელი ლაშა თორდია არასამთავრობო ორგანიზაციების წარმომადგენლები ხვდება.

შეხვედრა აუდიტის სამსახურში მიმდინარეობს.

როგორც „საეთაშორისო გამჭვირვალობა - საქართველოს“ აღმასრულებელმა დირექტორმა ეკა გიგაურმა ჟურნალისტებს განუცხადა,

„პირველ რიგში ძალიან მნიშვნელოვანია, რომ გავიგოთ დეტალები იმ საქმესთან დაკავშირებით, რომელზეც იგი საუბრობდა. ვგულისხმობ მიმდინარე მოვლენებს, იმ პრობლემატურ საკითხებს, რომელსაც სწავლობს აუდიტის სამსახური, სადაც ფიგურირებს ბატონი ფარცხალაძის კომპანია. ეს არის ამ საქმეში ყველაზე მნიშვნელოვანი საკითხი. ვფიქრობ რომ ამ საკითხიდან ჩვენ სხვა საკითხზე არ უნდა გადავიდეთ, რადგანაც ეს არის პირდაპირ დაკავშირებული ამ ინცინდენტთან. ვხედავთ, რომ დამოუკიდებელი სამსახური საქართველოში სწავლობს პრობლემებს და ამის გამო ექმნება ამ სამსახურის უფროსს კონკრეტული პრობლემები. აქედან გამომდინარე, ეს იქნება მნიშვნელოვანი“, - განაცხადა გიგაურმა შეხვედრის დაწყებამდე.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან