2017-05-18 14:17:52, 2143 ნახვა
პოლიტიკა
ქვემო ქართლის გუბერნატორად გრიგოლ ნემსაძე დაინიშნა
ქვემო ქართლში სახელმწიფო რწმუნებულის-გუბერნატორის თანამდებობაზე გრიგოლ ნემსაძე დაინიშნა.
საქართველოს მთავრობის ადმინისტრაციის ინფორმაციით, შესაბამის ბრძანებას საქართველოს პრემიერ–მინისტრმა ხელი უკვე მოაწერა.
როგორც მთავრობის ადმინისტრაციაში აცხადებენ, გრიგოლ ნემსაძე პროფესიით ეკონომისტია და მას კერძო სექტორში მუშაობის მრავალწლიანი გამოცდილება აქვს.
იგი მუშაობდა საბანკო სექტორში წამყვან თანამდებობებზე. გრიგოლ ნემსაძე დღემდე იკავებდა სააქციო საზოგადოება „ევექსის“ (ამჟამად სს GHG ) საოპერაციო დირექტორის პოსტს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
