თბილისის რამდენიმე ქუჩაზე მოძრაობა აკრძალულია

2017-05-17 10:15:51, 1979 ნახვა

სამართალი

დღეს დაგეგმილ აქციებთან დაკავშირებით, თბილისის რამდენიმე ქუჩაზე მოძრაობა აკრძალულია.

კერძოდ, გადაკეტილია ვარდების მოედანი. ამასთან, ყველა სახის სატრანსპორტო საშუალებისთვის მოძრაობა აიკრძალება - თავისუფლების მოედანზე, ასევე, რუსთაველის გამზირზე და ყველა მის მკვეთ ქუჩაზე.

„ ავტომანქანები შემოვლითი გზით, რევაზ თაბუკაშვილის ქუჩის გავლით, მარჯვენა სანაპიროზე იმოძრავებენ. სატრანსპორტო მოძრაობა აქციების დასრულებისთანავე აღდგება", - ნათქვამია შსს-ს განცხადებაში.

ცნობისთვის, დღეს ოჯახის სიწმინდის დღესთან დაკავშირებით რამდენიმე ღონისძიება იმართება, 13:00 საათზე კი ვარდების მოედნიდან და სამების ტაძრის მიმართულებთ მსვლელობა გაიმართება.

დღესვე მთავრობის ადმინისტრაციასთან ჰომოფობიასთან და ტრანსფობიასთან ბრძოლის საერთაშორისო დღესთან დაკავშირებით საპროტესტო აქცია გაიმართება. აღნიშნულთან დაკავშირებით სამართალდამცაველებს მთავრობის ადმინისტრაციასთან მისასვლელი ყველა გზა გადაკეტილი აქვთ. ადგილზე მხოლოდ აქციის მონაწილებს და მედიის წარმომადგენლებს შეუძლიათ მისვლა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან