მოსკოვის ყოფილი მერის იური ლუჟკოვის განცხადებით, საქართველოს ხელისუფლების გადაწყვეტილება, მისი ე.წ. შავ სიაში შეყვანასთან დაკავშირებით, არ არის განპირობებული მისი ვიზიტით ე.წ. სამხრეთ ოსეთსა და ოკუპირებულ აფხაზეთში.

როგორც ლუჯკოვმა აღნიშნა, ქართული მხარის გადაწყვეტილება საქართველოში მის ბოლო ვიზიტს მოჰყვა.

"საქართველოში ჩემს ჩასვლამდე, მათ არანაირი გადაწყვეტილება არ ჰქონდათ მიღებული. ამის შემდეგ კი ჩემი ჩასვლა საქართველოში პრობლემად იქცა და ე.წ. შავ სიაში შემიყვანეს. ეს მოხდა იმის გამო, რომ საქართველოში ვიყავი ჩასული და არა იმის გამო, რომ სამხრეთ ოსეთს და აფხაზეთს ვეწვია", - განაცხადა ლუჟკოვმა.

შეგახსენებთ, რომ მოსკოვის ყოფილი მერი იური ლუჟკოვი საქართველოში იმყოფებოდა. ლუჟკოვის სტუმრობა საზოგადოების ნაწილმა მწვავედ გააკრიტიკა, რადგან მან ოკუპირებულ აფხაზეთსა და ე.წ. სამხრეთ ოსეთში ვიზიტებით, ოკუპაციის შესახებ კანონი არაერთხელ დაარღვია.  

ცნობისთვის, შს მინისტრის მოადგილის შალვა ხუციშვილის განცხადებით, მოსკოვის ყოფილი მერი იური ლუჟკოვი საქართველოში ვეღარ ჩამოვა და ის ე.წ. შავ სიაში იქნება შეყვანილი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დიდი ხნის შემდეგ პირველად, რუსული არმია ზაპორიჟიესა და დნიპროპეტროვსკის მიმართულებებიდსნ უკან იხევს

ამერიკელი მედიამაგნატი Vogue, The New Yorker,-ს მფლობელი დონალდ ნიუჰაუსი 96 წლის ასაკში გარდაიცვალა

თბილისის მერია სიონის ტაძარში რეაბილიტაციის პროექტს იწყებს

საქართველოს ქალაქებში სამხედრო ტექნიკის გამოფენა გაიმართა