საფრანგეთის პრეზიდენტმა ფრანსუა ოლანდმა, პრეზიდენტობის კანდიდატების ემანუელ მაკრონისა და მარინ ლე პენის სატელევიზიო დებატები შეაფასა.

როგორც ოლანდმა აღნიშნა, "ნაციონალისტური ფრონტის" ლიდერის მარინ ლე პენის პროექტი შეუსაბამო და სახიფათოა.

"ევროკავშირის დატოვება - მარინ ლე პენმა ვერ მოახერხა იმის თმა, თუ რა შედეგები მოჰყვება ამ პროცესს. ამასთან, ეს შედეგები საზარელია. "ნაციონალური ფრონტის" კანდიდატის უვიცობა ევროპის მონეტარულ საკითხებზე მას საშუალებას არ მისცემს, საფრანგეთის პრეზიდენტი გახდეს. ევროს გაუქმება ფრანგების გაღატაკებას, მეანაბრეების გაკოტრებასა და ქვეყნის გადაუხდელი ვალის წინაშე დაყენებას ნიშნავს. ვფიქრობ, ამ კუთხით ნიღაბი ჩამოხსნილია. ფრანგებისთვის სურათი ცხადია და მათ იციან, რას უნდა ელოდნენ", - განაცხადა საფრანგეთის პრეზიდენტმა. 

შეგახსენებთ, რომ საფრანგეთის საპრეზიდენტო არჩევნების მეორე ტური 7 მაისს გაიმართება. ერთმანეთს ევროპული კურსის მხარდამჭერი ემანუელ მაკრონი და ევროკავშირიდან გასვლის მომხრე მარინ ლე პენი დაუპირისპირდებიან.

ამავე თემაზე: 

მარინ ლე პენი ემანუელ მაკრონს: ნუ მელაპარაკები, როგორც მასწავლებელი - მოსწავლეს

ემანუელ მაკრონი: პუტინის დიქტატს არასდროს დავემორჩილები

მარინ ლე პენი: მსურს, ევროკავშირს ევროპა ხელიდან გამოვგლიჯო

BFMTV-ის გამოკითხვა: წინასაარჩევნო დებატებში ემანუელ მაკრონი ლიდერობს

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპი ფაშინიანს არჩევნებში გამარჯვებას ულოცავს

როგორ შეცვალა ციფრულმა განვადებამ E-commerce გაყიდვები საქართველოში

ივანიშვილის ყოფილი პირადი მცველი შს მინისტრის მოადგილედ დაინიშნა

ნანუკა ჟორჟოლიანი ენმ-სთან კონსულტაციებს ადასტურებს