2017-05-03 10:25:51, 2414 ნახვა
სამართალი
გონიოში ავტოავარიას ორი ადამიანი ემსხვერპლა
გონიოში დღეს დილით მომხდარ ავტოსაგზაო შემთხვევას ორი ადამიანის სიცოცხლე ემსხვერპლა, ერთი კი მძიმედ დაშავდა.
აჭარის ტელევიზიის ინფორმაციით, სარფი-გონიოს გზატკეცილზე „მერსედესის“ მარკისა და „ოპელის“ მარკის ავტომობილები ერთმანეთს შეეჯახა. შეჯახების შედეგად, "ოპელის" მარკის ავტომობილში მჯდარი ორი მგზავრი ადგილზევე გარდაიცვალა. "მერსედესის" მარკის ავტომობილის მძღოლი კი საავადმყოფოშია გადაყვანილი.
ავარიის გამომწვევ სავარაუდო მიზეზად, „მერსედესის“ მარკის ავტომობილის მხრიდან გადაჭარბებული სიჩქარე სახელდება.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
