პარლამენტის თავმჯდომარე ირკალი კობახიძემ, ბიზნეს ასოციაციის წევრი კომპანიების წარმომადგენლებთან შეხვედრაზე, სხვა თემებთან ერთად, უცხოელებზე მიწის გასხვისებასთან დაკავშირებით კონსტიტუციაში გაკეთებულ ჩანაწერზე ისაუბრა.

კობახიძის განმარტებით, ახალი ჩანაწერი ერთის მხრივ  არ ადგენს აბსოლუტურ აკრძალვას მიწის გასხვისებასთან, ან სხვა ფორმით საკუთრების განკარგვასთან დაკავშირებით, ხოლო მეორე მხრივ, იძლევა ამ საკითხის ორგანული კანონის დონეზე რეგლამენტაციის შესაძლებლობას.

„ახალი ჩანაწერის თანახმად, მიწაზე, როგორც განსაკუთრებული მნიშვნელობის რესურსზე, საკუთრების უფლებას ორგანული კანონი აწესრიგებს. ამასთან დაკავშირებით იყო სხვადასხვა მოსაზრება, მათ შორის რადიკალურად განსხვავებული. იყო ერთი რადიკალური მოსაზრება, რომელიც ითვალისწინებდა მიწაზე საკუთრების უფლების სრულ შეზღუდვას უცხოელთათვის და მოქალაქეობის არმქონე პირებისთვის. იყო პირიქით მეორე მოსაზრება, რომ არანაირი ფორმით არ ასახულიყო ეს საკითხი კონსტიტუციაში. ჩვენ წავედით მიდგომით, რომელიც უზრუნველყოფს მთლიანობაში საკითხის ჯეროვან მოწესრიგებას კანონმდებლობის დონეზე“, - განაცხადა ირაკლი კობახიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„დეფიციტის ახალი ტალღა“: რუსეთში ბენზინგასამართი სადგურების 70%-ზე მეტს ბენზინი ამოეწურა

„ყველა, ვისაც შეუძლია, ცდილობს თავისი ფულის გატანოს“ - რუსი მილიარდერები კაპიტალის გადარჩენას ცდილობენ

ღარიბაშვილი: წერილი გამომიგზავნა მამუკა მდინარაძემ

ირაკლი ღარიბაშვილი საპატიმროდან დაპირებულ წერილს ავრცელებს