"პატრიოტთა ალიანსის" გენერალური მდივნი, ირმა ინაშვილი, მის მიმართ საზოგადოებაში გავრცელებულ ბრალდებებს, სოციალურ ქსელში ასე ეხმაურება: 

"მოკლედ, თავი მოვუყარე ჩემს წინააღმდეგ გავრცელებულ "ბრალდებებს", ანუ ტყუილის "ბუკეტს"და აი, რა გამოვიდა:

1. ივანიშვილმა მიყიდა 40 000 დოლარიანი მანქანა და სახლი- პარიზში. 2 მილიონი დაავიწყდათ. გაგახსენეთ, ბატონო.
2. პრორუსი ვარ, თუ პრორუსული, ანტიდასავლური. ანტისახელმწიფოებრივი. ერთი განცხადება მაინც მაჩვენეთ, ამ პრორუსულობის დამადასტურებელი. ველოდები. 
3. ГРУ -ს, ან ФСБ-ს აგენტი ვარ. სულერთია,- რომლის, აგენტი ვარ. რეზიდენტი. 
4. "მოსადში" დავალებებს მაძლევენ და გავლენებით ვსარგებლობ. 
5. მთიული არა ვარ, ან სომეხი ვარ, ან ებრაელი. 
6. ციხეებში პატიმრებს არავინ აწამებდა, "მულტიკი" დავდგი. 
7. სამშობლოს მოღალატეც ვყოფილვარ. 
8. მკვლელებს ვმფარველობ, რომლებიც თვალით არ მინახავს. 
9. კაკაოს ბიზნესი მაქვს. 
10. 1982 წელს, როცა 12 წლის ვიყავი, ლექსი დამიწერია კომკავშირზე. 300 არაგველზე დავწერე, მაგრამ კომკავშირი უნდათ და იყოს. 
11. უშნო, მახინჯი და საშინელება რომ ვარ, მოკლე ფეხებით, ისედაც ვხედავ...smile emoticon
12. ბავშვობაში, როცა 7 წლის ვიყავი, მეზობლის კატა შემომაკვდა. აგური ჩავარტყი. 
13. ჟორიკა რურუა მაფინანსებს. ზოგჯერ. თან, მიშა ხუბუტია. როცა ჟორიკას და მიშას უჭირთ, ფულს პაატა შევარდნაძე მიგზავნის შვეიცარიიდან. 11 წელია თვალით არ მინახავს, მაგრამ მიგზავნის. მოხალისე სპონსორია. ენთუზიასტი.
14. კურსელებს არ უყვარდათო. აბა, ვისთან ერთად ვმღეროდი ერთსიმიან გიტარაზე და დავტიროდი დაკარგულ სიყვარულს, იქნებ მიკარნახონ ჩემმა კურსელებმა?! 
15. წულუკიანთან და კბილაშვილთან მოწმეები მიმყავდა, მანამდე ჩემს მიერ ნაწამები, რომ "კაცთმოყვარე" ბაჩო ახალაიასთვის დაედოთ ხელი. ბაჩო ხომ იმითაა ცნობილი, რომ პატიმრებს ეალერსებოდა და შოკოლადით უმასპინძლდებოდა. 
16. ჩემი ქმარი, რომელიც სინამდვილეში უმუშევარია, ღარიბაშვილის კაბინეტში დააწინაურეს. ერთ- ერთ მაღალ თანამდებობაზე.
17. ქონება მარტო ბიძინა ივანიშვილმა კი არა, მამაჩემმაც დამიტოვა. რაღაცა საკუთარ მამასაც ხომ უნდა დაეტოვებინა?! აქ შედის ბაზალეთის ტბის კომპლექსი. მინიმუმ! 
18. დიპლომი არ მქონია. თუ კურსელები მყავდა, ე.ი. სადღაც ვსწავლობდი?! თუ ვსწავლობდი, სერთიფიკატი მაინც არ მომცეს, თუ დიპლომი არა?! სიყვარულით მოვიკითხავ თსუ ტელე-რადიო ჟურნალისტიკის ფაკულტეტს და მეექვსე კორპუსს. ასევე, კარისკაც თემოს... ღვინის ბოცებს რომ ინახავდა სარდაფში. ჩემს წითელ დიპლომსაც დავასკანერებ, ყოველი შემთხვევისთვის. 
19. აფხაზეთის ომში არ ყოფილა. იტყუებაო. გია ბარამიძეს ჰკითხეთ, სამხედროებს ჩემს თავს რომ ახვრეტინებდა გუმისთაზე. თითქოს ჟურნალისტებმა ჯარს ტყუილად ვასროლინეთ, კადრების გალამაზებისთვის და ტყვია-წამალი დავაცლევინეთ. როცა სიმართლე გაირკვა, მოტყდა. ზოგიერთი ბავშვობიდან ანუსია, რას იზამ.
20. ექსტრემისტი რომ ვარ, კინაღამ გამომრჩა. ფაშისტიც.

იმედი მაქვს, ამ "ბუკეტს" მთლიანობაში კითხულობენ ჩემი ე.წ. ბრალმდებლები, ანუ ცილისმწამებლები და ნუთუ თვითონ თუ არ რცხვენიათ, რომ თავს სასაცილო მდგომარეობაში იგდებენ?! თქვენსავე თეზისებს სათითაოდ გამოგიგზავნით. ეტაპობრივად იმასაც დავამატებ, რაც გამომრჩა. "კრაოტთან" გაიკარით, იქნებ მიხვდეთ, რომ ძალიან დიდ კომედიაში ხართ... ",- წერს ირმა ინაშვილი

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს