საპარლამენტო უმცირესობის წევრმა პავლე კუბლაშვილმა პარლამენტში პოლიციელებისათვის სოციალური დაცვის პირობების გაუმჯობესებასთან დაკავშირებული კანონპროექტი შეიტანა.

კუბლაშვილის განცხადებით, პოლიცელს, დღეს, ისე როგორც არასდროს, გვერდში დგომა სჭირდება.

"პრემიერ-მინისტრმა თქვა, რომ ბიძინა ივანიშვილის დახმარებით მზადდება კანონპროექტი, რომელსაც მოსამზადებლად 2-3 კვირა ჭირდება.ჩვენ კი უკვე დავაანონსეთ ეს კანონპროექტი,  მზად გვაქვს და შეგვაქვს საორგანიზაციო დეპარტამენტში. თუ მათ აქვთ მზაობა რომ უფრო ხელშესახები გავხადოთ სოციალური დაცვის პირობები პოლიციელებისათვის,  მიიღონ ეს კანონპროექტი, ვისი ინიცირებულიც არ უნდა იყოს. რიგით პოლიციელებს ყოველდღიურად უწევთ კრიმინალთან ბრძოლა, რომლის გაზრდაც ამ ხელისუფლების დამსახურებაა. ჩვენი მთავარი მიზანია, რომ დავეხმაროთ პოლიციელებს და მათ გვერდში დავუდგეთ",-განუცხადა პავლე კუბლაშვილმა ჟურნალისტებს.

რაც შეეხება პრემიერ-მინისტრის დღევანდელ განცხადებას, რომ პოლიციელების სოციალური დაცვის პირობების სამხედროებისას გათანაბრების თაობაზე კანონპროექტი მათ უკვე შემუშავებული აქვთ, კუბლაშვილმა ამასთან დაკავშირებით აღნიშნა,  რომ  რაც მეტი ინიციატივა იქნება პოლიციელების პირობების გაუმჯობესების თაობაზე,   უკეთესი იქნება.  თუმცა კუბლაშვილის მტკიცებით, მას პოლიციელების სოციალური დაცვის პირობების სამხედროებისას გათანაბრების თაობაზე მთავრობის მიერ შემუშავებული  კანონპროექტის შესახებ ინფორმაცია არ აქვს. 

ცნობისთვის, დღევანდელ მთავრობის სხდომაზე პრემიერ-მინისტრმა ირაკლი ღარიბაშვილმა განაცხადა, რომ მთავრობას დაღუპული პოლიციელებისა და სამხედროების  ოჯახების სოციალური დახმარების გათანაბრების თაობაზე  კანონპროექტი უკვე მზად აქვს და მას პარლამენტს უახლოეს მომავალში გადაუგზავნის. პრემიერის თქმით, "ნაციონალური მოძრაობა" სცდილობს მთავრობის გაკეთებული საქმე მიიწეროს

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თბილისი პრაიდი: "ოცნებამ" სცადა, ქვიარ ადამიანები საზოგადოებრივი ცხოვრებიდან გავექრეთ

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი