გიორგაძე: არ ვიზიარებ პრეტენზიას, რომ თეატრალურ მიმართულებას ნაკლები ყურადღება ენიჭება

2017-04-13 11:19:37, 2190 ნახვა

კომენტარი

საქართველოს კულტურისა და ძეგლთა დაცვის მინისტრი მიხეილ გიორგაძე არ იზიარებს პრეტენზიას იმასთან დაკავშირებით, რომ თეატრალურ მიმართულებას სხვა სფეროებთან შედარებით ნაკლები ყურადღება ენიჭება.

როგორც თემის კომენტირებისას მან ჟურნალისტებს განუცხადა, კულტურის სამინისტროს ბიუჯეტის 33%, თითქმის 33 მილიონი ლარი, სწორედ ამ მიმართულებას ხმარდება.

„ყველაზე ახლოს დაფინანსების თვალსაზრისით მდგომი სფერო გახლავთ განათლება და 15 მილიონი ლარია და დანარჩენი სფეროები კიდევ უფრო ნაკლებია. ვფიქრობ, ეს ამ მიმართულების მიმართ კულტურის სამინისტროს და მთლიანად მთავრობის დამოკიდებულებას ძალიან ნათლად გამოხატავს“,-განაცხადა მიხეილ გიორგაძემ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან