საქართველო ინდოეთთან თავისუფალი ვაჭრობის ხელშეკრულებაზე მუშაობას იწყებს

2017-04-13 09:45:40, 2372 ნახვა

ეკონომიკა

ეკონომიკისა და მდგრადი განვითარების მინისტრი გიორგი გახარია ინდოეთში იმყოფებოდა. მან ინდოეთში ვიზიტის შედეგებთან დაკავშირებით მინისტრთა კაბინეტს ინფორმაცია მიაწოდა.

კერძოდ, საქართველო ინდოეთთან თავისუფალი ვაჭრობის ხელშეკრულებაზე მუშაობას იწყებს. გახარიას განმარტებით, თავისუფალი ვაჭრობის ხელშეკრულების გაფორმების თაობაზე, მიზანშეწონილობის კვლევის დაწყების შესახებ, საერთო განცხადებას მოეწერა ხელი.

„ ამ განცხადებას ხელი მოეწერა ინდოეთის კომერციის მინისტრთან. შედეგად, ჩვენ მიზნად დავისახეთ, 6 თვეში ამ კვლევის დასრულება, რომ რაც შეიძლება მალე, იმ შემთხვევაში, თუ მიზანშეწონილობა დაფიქსირდება ორივე მხარის მხრიდან, გაფორმდეს მსგავსი ხელშეკრულება“,-აღნიშნა გიორგი გახარიამ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან