თბილისის საკრებულოს სხდომაზე, სადაც დედაქალაქის მერმა დავით ნარმანიამ ყოველწლიური ანგარიში წარადგინა, ხმაური იყო.

ლოჟაში მყოფმა მოქალაქეებმა საკრებულოს ოპოზიციონერი დეპუტატების გამოსვლები გააპროტესტეს.

კერძოდ, მათი გაღიზიანება გამოწვია საკრებულოს „ნაციონალური  მოძრაობის“ წევრების განცხადებებმა, რომელიც შეიცავდა მერიის საქმიანობის კრიტიკას.

ერთ-ერთმა პირმა, რომელიც საკრებულოს წევრი არ არის, ოპოზციის წარმომადგენლებს სიტყვითაც მიმართა.

მედიის წარმომადგენლები დავინტერესდით, რა სტატუსით იმყოფებოდა ის საკრებულოს სხდომაზე.

„მოქალაქის სტატუსით ვარ, ორი საათი ვუსმენდი და ტაშის დამკვრელი გვიწოდეს მოსახლეობას, ჩემს მეგობარს ჯაბა ჯიშკარიანს ვთხოვე, საშვი დაეშვა და შემოვედი, შეურაცხყოფას გვაყენებენ, აქ ტაშის დასაკრავად არავინ მოსულა“,-განუცხადა ჟურნალისტებს ერთ-ერთმა მოქალაქემ.

საკრებულოს „ქართული ოცნება-დემოკრატიული საქართველოსთვის“ თავმჯდომარე  რიმა ბერაძემ მოქალაქეებს მოუწოდა,  რაც არ უნდა მძიმე მოსასმენი ყოფილიყო ოპოზიციის წარმომადგენლების გამოსვლები,  მოეთმინათ და ხელი არ შეეშალათ საკრებულოს მუშაობისთვის.

„ნუ ასხამთ „ნაციონალური მოძრაობის“  წისქვილზე წყალს. თუ მობრძანდით მოსასმენად, რაც არ უნდა მძიმე იყოს ეს ყველაფერი, მოისმინეთ“,-მიმართა მას რიმა ბერაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

Euractiv: ევროკავშირს სურს მოლაპარაკებების დაწყება უკრაინის 18 ივნისის სამიტში ჩართვასთან დაკავშირებით.

გვარამია: ხალხისთვის ხელის შეშლას არ ვაპირებთ, როცა დაიშლებიან, მოვახდენთ სცენის მონტაჟს

NATO-ს სამეკავშირეო ოფისი: ვუერთდებით ქართველ ხალხს საქართველოს დამოუკიდებლობის დღის აღნიშვნაში

გერმანიის ელჩი: 26 მაისი სიმბოლურად გამოხატავს საქართველოს სწრაფვას თავისუფლებისა და დემოკრატიისკენ