ლატვიის პრეზიდენტის რაიმონდს ვეიონისის თქმით, საქართველო ევროკავშირის წევრი აუცილებლად გახდება.

ამის შესახებ მან ავლაბრის რეზიდენციაში, ქართველ კოლეგასთან შეხვედრის შემდეგ გამართულ პრესკონფერენციაზე ჟურნალისტებს განუცხადა.

“მე მგონია და იმედი მაქვს, რომ საქართველო გახდება ევროკავშირის წევრი. ასოცირების ხელშეკრულება კარგი იარაღია იმისთვის, რომ ქვეყანა დემოკრატიული და ეკონომიკური კუთხით განვითარდეს. ლატვია ყოველთვის მხარს უჭერს საქართველოს ევროკავშირში გაწევრიანებას, ვიცით, რომ ქვეყანაში განსახორციელებელ რეფორმებს დიდი დრო სჭირდება, გაცნობიერებული გვაქვს, რომ დღევანდელი პოლიტიკა არ არის სრულყოფილი, მაგრამ თქვენ უნდა იყოთ მზად, რომ ერთ დღეს საქართველო ევროკავშირის წევრი გახდება”, - განაცხადა ლატვიის პრეზიდენტმა.

ცნობისთვის, ლატვიის პრეზიდენტი საქართველოს ოფიციალური ვიზიტით გუშინ ეწვია. პრეზიდენტის ოფიციალური ვიზიტი საქართველოში სამი დღის განმავლობაში გაგრძელდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსების მიერ რუსთაველის თეატრში დადგმულ სპექტაკლს კრიტიკა მოჰყვა, რეჟიმის კულტურის სამინისტრო თავს იმართლებს

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან