რეგიონული განვითარებისა და ინფრასტრუქტურის მინისტრის ზურაბ ალავიძის განცხადებით, სამშენებლო კომპანიები იდეალურად ვერ მუშაობენ, თუმცა  მატთან დადებული ხელშეკრულება აძლევთ უფლებას, შესაბამისი  ზომები მიიღონ.

საუბარია, დასაქმებული მუშახელისთვის კომპანიის მიერ ხელფასის დაგვიანებაზე. ალავიძის განმარტებით, სახელმწიფო კომპანიებს თანხების ჩარიცხვას არ უგვიანებს და მათაც მუშებს ხელფასი დროულად უნდა გადაუხადონ:

„იყო შემთხვევები, როდესაც 3 თვეზე მეტიც იყო ასეთი პრობლემატური საკითხები. მდგომარეობა მნიშვნელოვნად გაუმჯობესებულია, მაგრამ კიდევ არსებობს ასეთი პრობლემები. სამწუხაროდ, ბევრი სამშენებლო კომპანია პრობლემატური გვყავს დღეს საქართველოში, ფინანსურად უჭირთ და აქედან გამომდინარე, ტენდერიდან ტენდერამდე მუშაობენ. ჩვენ სამშენებლო კომპანიებთან ბევრს ვმუშაობთ, ასევე საბანკო სექტორთანაც ამ მიმართულებით, რაც შეეხება სახელფასო დავალიანებებს, ამ საკითხს ისე არ ვუყურებთ, რომ ეს არის მხოლოდ კონტრაქტორსა და დასაქმებულს შორის ურთიერთობა, ეს ფონდები და სახსრები სახელმწიფოს მიერ არის გამოყოფილი და შესაბამისად, კომპანიებს, რომლებსაც აყვანილი ჰყავთ ეს მუშახელი, მათ აუცილებლად, დროულად უნდა გადაუხადონ ხელფასები. 1 წუთის დაგვიანება არ გვაქვს სახელმწიფოს თანხების ჩარიცხვის კუთხით, აქედან გამომდინარე ძალიან მკაცრად მოვითხოვთ.... მდგომარეობა გაუმჯობესებულია, ამით თვითკმაყოფილი არ ვართ, მკაცრი რეაგირება გვექნება, როგორც პრემიერმა აღნიშნა, თითოეულ ფაქტზე. სანქციები მრავალმხრივი შეიძლება გამოვიყენოთ, ჩვენ ხელების ამოგრეხვის პრინციპით არ ვმუშაობთ, ვმუშაობთ პარტნიორული პრინციპით, პარტნიორობა არ შეიძლება იყოს ცალმხრივი, პარტნიორობა უნდა იყოს ორმხრივი. აქედან გამომდინარე, სფერო დიდია და სამშენებლო კომპანიები იდეალურად ვერ მუშაობენ, გვაქვს შესაძლებლობები, იმ ხელშეკრულებების მიხედვით, რაც დადებული გვაქვს , შესაბამისი ზომები მივიღოთ. გარდა ამისა, დასაქმებულების განცხადების საფუძველზე, შეგვიძლია საგადასახადო სამსახურის კუთხითაც გარკვეული ზემოქმედებები მოვახდინოთ ამ მიმართულებით“, - განაცხადა ალავიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსების მიერ რუსთაველის თეატრში დადგმულ სპექტაკლს კრიტიკა მოჰყვა, რეჟიმის კულტურის სამინისტრო თავს იმართლებს

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან