საპარლამენტო უმრავლესობის წევრის ეკა ბესელიას განცხადებით, ე.წ. მოსმენებთან დაკავშირებულ საკანონმდებლო პაკეტზე პრეზიდენტის შენიშვნებში გონივრული და აზრიანი არაფერია. ამიტომ, ბესელია მიიჩნევს, რომ პარლამენტმა  პრეზიდენტის ვეტო არ უნდა გაიზიაროს:

„რაც ამ შენიშვნებშია, გონივრული, აზრიანი, მე ვერ დავინახე, უკაცრავად, პირიქით, თუ ამას პარლამენტი გაიზიარებს, ეს იქნება ძალიან სახიფათო ფორმულირებების გაზიარება და მხარდაჭერა. ეს არის ინსტიტუციებისადმი უპატივცემულობა, უნდობლობა და ეს არის სრულიად გაუგებარი დამოკიდებულება, როდესაც ამ შენიშვნებს ხელს აწერს ქვეყნის მთავარსარდალი, ადმაიანი, რომელიც თავად არის პასუხისმგებელი ასევე ქვეყნის უსაფრთხოების ნაწილზე. როდესაც სხვა დროს კიდევ გადაწყვეტს მორიგი ვეტოს დადებას პრეზიდენტი, კარგად წაიკითხეთ, რას აწერთ ხელს და რას უგზავნით პარლამენტს“,-განაცხადა ეკა ბესელიამ.

შეგახსენებთ, 1 მარტს მიღებული და ხელმოსაწერად წარდგენილი ე.წ. ფარულ მოსმენებთან დაკავშირებული საკანონმდებლო პაკეტი პარლამენტს შენიშვნებით 20 მარტს დაუბრუნდა. პლენარულ სხდომაზე სწორედ პრეზიდენტის მოტივირებულ შენიშვნებს განიხილავენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს