იურიდიულ საკითხთა კომიტეტის თავმჯდომარემ ეკა ბესელიამ პარლამენტის პლენარულ სხდომაზე,  პრეზიდენტის ადმინისტრაციის უფროსი გიორგი აბაშიშვილი დღეს გაკეთებული განცხადების გამო, მწვავედ გააკრიტიკა.

აბაშიშვილმა აღნიშნა, რომ ყველა იმ დეპუტატის  პასუხისმგებლობის საკითხი უნდა დადგეს, რომლებმაც საქართველოს ეროვნული ბანკის  შესახებ კანონპროექტზე ვეტო დაძლიეს.  ბესელიამ აბაშიშვილი უვიცობაში დაადანაშაულა და განაცხადა, რომ სწორედ პარლამენტია ის ორგანო, სადაც საჭიროების შემთხვევაში კანონები იცვლება:

 „ძალიან ხშირად ვიკავებ თავს, რომ ასეთი მკვეთრი და პირდაპირი განცხადებები არ გავაკეთო ხოლმე, მაგრამ ახლა ძალიან პირდაპირ და მკვეთრად გეუბნებით სათქმელს, რადგან არაფერში არ წერია ეს, ქალბატონო ანა, როდესაც საჯარო მოხელე... და ბატონი აბაშიშვილის დღევანდელი განცხადებაც იყო მორიგი უპატივცემულობა და თავხედური გამოხტომა, რომელიც პარლამენტის წევრებს ეუბნება, რომ თქვენ კანონებს რომ ცვლითო, პასუხისმგებლობა აიღეთ პოლიტიკურიო, ეს არის სიბეცეც, ეს არის უვიცობაც, რომ მან არ იცის, რომ პარლამენტი ის ორგანოა, სადაც კანონები იცვლება, ჩვენ შეიძლება ძალიან ბევრი მიღებული კანონი შევცვალოთ, ეს ჩვენი ვალდებულებაა, პირველ რიგში, რომ ბევრი რამ შეიძლება შევცვალოთ მიღებულ კანონში და ეს უნდა იცოდეს პრეზიდენტის ადმინისტრაციის უფროსმა პირველ რიგში“,-განაცხადა ეკა ბესელიამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან

ოთხშაბათს და პარასკევს ივანიშვილის რეზიდენციასთან მოვაწყობთ ერთკაციან აქციებს - მშობლები